Statistikk frå Fiskeridirektoratet for mengd ilandført fisk viser at kvantumet av både Sild og brisling og Makrell, lodde m.v (inkluderer m.a. tobis og kolmule) til Hordaland auka med vel 3 000 tonn frå 2006 til 2007, ein auke på 11,2 og 17,4 %
Ilandføringa av torsk m.v. til Hordaland er relativt låg og gjekk litt ned frå 2006 til 2007.
Tabell: Ilandført i Hordaland (hordaland.no/statistikk)
Den langsiktige tendensen til nedgang i fiskeria bremsa litt opp i 2007, i stor grad på grunn av godt sildefiske.
Over halvparten av fisken som vert ilandført i fylket kjem til Austevoll, der sild og brisling er dei viktigaste fiskeslaga. Det vert også ilandført eindel fisk i Bergen.
Båtar frå Hordaland ilandførte litt meir fisk i 2007 enn året før.
Tabell: Hordalandsflåten sin fangst (hordaland.no/statistikk)
Mesteparten av Hordalandsbåtane sin fangst er Makrell, lodde m.v. og Sild og brisling, og vert for det meste ilandført i hamner i Rogaland og Sogn og Fjordane.
Både talet på båtar og talet på fiskarar i fylket gjekk litt ned frå 2006 til 2007.
Tabell: Fiskarar og båtar i Hordaland i 1990, 2006 og 2007 (hordaland.no/statistikk)
Austevoll og Bømlo er dei to viktigaste fiskerikommunane i fylket, målt i både båtar og talet på fiskarar.
Sjå også Fiskeriverksemd i Hordaland frå 2004.