Ei oversikt over fiskeriverksemda i Hordaland viser m.a. at medan Hordaland har ein stor og moderne fiskeflåte, vert det ilandført lite fisk til fylket. Mesteparten av den fisken som landast i fylket kjem til Austevoll og til Bergen.
Bømlo og Austevoll skiljer seg ut som dei kommunane i fylket som har både det største og det breiaste fiskerimiljøet, elles er der ein god del fiskeriverksemd i Bergensområdet.
Det vert ilandført relativt lite fisk til Hordaland; langt lågare kvantum enn til nabofylka på Vestlandet.
Hordalandsbåtane fiska meir enn 700 000 tonn fisk i 2004, medan den totale ilandføringa av fisk (frå alle båtar) til Hordaland berre var på ca 62 000 tonn.
I 2004 gjekk heile 95 % av fisken som vart ilandført i Hordaland til Bergen og Austevoll.
Rapporten inneheld også informasjon om norsk fiskeripolitikk og ressursforvaltning og om ressurssituasjon og fangstområde for ei rekkje fiskeartar.
Fiskeriverksemd i Hordaland (pdf)
Rapporten er utarbeidd i samband med oppstart av eit arbeid med prioritering av utbyggingsprosjekt for fiskerihamner i samband med ny Nasjonal Transportplan 2010-2019.
Sjå også fiske og fangst på hordaland.no/statistikk.