Etter Askøy følgjer Leirvik (Stord), Straume (Fjell), Indre Arna, Vossevangen, Odda og Knarvik.
Tabell på hordaland.no/statistikk: Alle tettstader i Hordaland rangert etter innbyggjartal
Dei tettstadene som har vakse mest det siste året uttrykt i % er relativt små. Fleire av tettstadene med størst vekst utvida arealet sitt i 2007. Dette gjeld særleg Øystese og Sunde/ Valen som ekspanderte meir enn 0,1 km2. Fjell, Haga, Hylkje, Valestrandsfossen, Misje og Våge vaks ikkje i areal; folkeauken kom som resultat av fortetting.
Tabell: Mestveksande tettstader i Hordaland 2007-08. Innb. tal. 1. jan. %-vis endring.
I Fylkesdelplan for senterstruktur og lokalisering av service og handel er det utpeika 8 regionsenter i fylket, i tillegg til fylkessenteret Bergen og inkl. Haugesund som reknast som regionsenter for Etne og Sveio.
Med basis i informasjon om forekomst av ulike typar tenesteyting er det i rapporten ”Handel og tenestetilbod i Hordaland” (2007) peikt på 7 stader i fylket som ikkje er definert som regionsenter, men som har større breidde i tenestetilbodet enn andre lokalsenter og kan kallast ”Lokalsenter med utvida tenestetilbod”. I tillegg til evt. kommunale tenester har desse både daglegvarebutikk, bensinstasjon, bokhandel og apotek. Desse sentera er: Årås (Austrheim), Bremnes/ Svortland (Bømlo), Etne, Kleppestø (Askøy), Lonevåg (Osterøy), Husnes (Kvinnherad) og Øystese (Kvam).
Tabell på hordaland.no/statistikk: Fylkes, region- og lokalsenter i Hordaland. Innb. tal. i 2000 og 2008, og vekst i tal og %
Sentera i fylket er av svært ulik storleik, men alle har hatt vekst sidan 2000. Sterkast har veksten vore i Årås, men dette lokalsenteret er framleis, saman med Lonevåg (Osterøy) det minste senteret i fylket. Av dei større sentera i fylket har veksten vore størst i Osøyro og Askøy, med opp mot 25 % på 8 år. Veksten i Odda er likevel ikkje reell, sidan Eitrheim tettstad vart slått saman med Odda tettstad i 2002.
Fleire tal om tettstader på hordaland.no/statistikk.
Sjå også: http://www.ssb.no/beftett/