Talet på litauarar busett i fylket vart også nær dobla, og er no oppe i 617.
Tyskarar er med 1401 personar den nest største gruppa av utanlandske statsborgarar busett i fylket, med ein auke på 25 % frå 2007.
Talet på utanlandske statsborgarar totalt i fylket auka med 3062 personar (16,3 %) frå 2007.
Figuren viser korleis talet på innbyggjarar i dei seks største nasjonalitetane (2008) i fylket har utvikla seg dei siste åra.
92 av dei 152 nasjonalitetane i fylket auka i antal, medan 31 nasjonalitetar vart det færre av.
Det har vore ein auke i talet på statsborgarar frå dei fleste landa i Europa, medan det har vorte færre av mange av dei nasjonalitetane som tidlegare i stor grad har kome til Norge som flyktningar (t.d. Irak, Somalia).
Tabell: Utanlandske statsborgarar i Hordaland, største nasjonalitetar og endring frå 2007 (hordaland.no/statistikk).
Auke i talet på personar av ein nasjonalitet kan ha mange ulike forklaringar, men særleg for dei største, europeiske gruppene er det naturleg å tru at arbeidsinnvandring betyr mykje.
Nedgang i talet på personar i ein nasjonalitet kan skuldast at mange har flytta ut av Norge, men også at mange får norsk statsborgarskap.
Sidan statistikken viser talet på personar registrert busett i Norge, kan dei ha budd i Norge ei stund før dei er blitt registrert, slik at auken reelt sett kan ha skjedd tidlegare.
Statistikken kan også påverkast av endringar i statsinndelingar, t.d. at Montenegro vart skilt ut frå Serbia-Montenegro i 2007.
Sjå også Statistisk sentralbyrå: http://www.ssb.no/utlstat/.