Mengda hushaldsavfall auka betydeleg frå 1995 til ca. 2004. Etter 2004 har det framleis vore ein auke i avfallsmengdene, men ikkje så sterk som tidlegare og i Hordaland var det ein nedgang frå 2007 til 2008.
Figuren viser kvantum utsortert hushaldsavfall per innb. i Hordaland og landet.
I 2008 vart det utsortert meir av alle typar hushaldsavfall. Mykje av auken skjedde før 2005. Etter 2005 har utsortert mengde metall gått noko ned, og utsorteringa av parkavfall og våtorganisk avfall har stagnert.
Mest avfall per innbyggjar i Fjell og Etne
Målt per innb. hadde Øygarden den lågaste avfallsmengda i 2008 med 286 kg per innb., følgd av Ullensvang med 328 kg. Mest avfall produserte innbyggjarane i Fjell med 496 kg. per innb, følgt av Etne med 482.
I Bergen var avfallsmengda 422 kg. per innb, litt meir enn fylkesgjennomsnittet på 419 som igjen var litt under landsgjennomsnittet.
Meir avfall utsorterast
Totalmengda utsortert hushaldsavfall auka i alle kommunane frå 2001 til 2008.
Totalt sett hadde fylket ein auke i utsorteringsvolumet trass i at totalt avfallsvolum gjekk ned.
Figuren viser utviklinga i kvantum utsortert hushaldsavfall i Hordaland, etter type.
I Sunnhordland, Hardanger (unnateke Kvam), Voss og Øygarden gjekk utsortert volum ned, medan dei fleste kommunane i Bergensområdet hadde ein auke. Størst var veksten i utsorteringa i Meland med 10,5 %, i Askøy var auken på 9 %.
I 2008 var utsorteringa per innb. størst i Fjell, Modalen og Nordhordland, med 240 – 300 kg. per innb.; minst utsortering i Øygarden med 95 kg. per innb.
Utsortering av plast aukar mest; store volum i Fjell
Plast utgjer berre 1,5 % av utsortert kvantum etter vekt, men er avfallstypen som har auka mest. Utsortering av plast har auka sterkt sidan ca. 2005, og var i 2008 på nesten det femdobbelte av i 2002.
Fjell har kome særleg langt med utsortering av plast, og sto i 2008 åleine for 27 % av plast- utsorteringa i fylket, nesten like stort volum som Bergen.
Avfallsstatistikk på kommunenivå
Fleire data inkl. tal for alle kommunar i Hordaland og tal for ulike typar utsortert avfall finst i publikasjonen "Data til Klimaplan for Hordaland - Klimagassutslepp, energibruk, bygningar, avfall" (pdf).
Kjelde, meir informasjon:
SSB Statistikkbanken/ KOSTRA,
www.ssb.no/avfall
www.ssb.no/emner/01/05/10/avfkomm/