Frå 2007 til 2008 auka talet på personar 67-70 år som var i arbeid med nesten 1 000, noko som utgjer ein auke på over 30 %. Talet på personar 15-19 år i arbeid auka med ca 2 700 (23 %).
Talet på sjukmelde auka med nesten 10 %, og det var litt fleire studentar registrert busett i fylket i 2008 enn året før.
Arbeidsløysa er redusert med over 1 300 (-24 %) og det var også nedgang i talet på yrkeshemma, uføre og personar på attføring.
Figuren t.h. viser endringa i talet på personar med ulike typar tilknytting til arbeidsmarknaden, frå 2007 til 2008, Hordaland.
Talet på innbyggjarar i yrkesaktiv alder i fylket har auka noko, men ikkje på langt nær nok til å forklare den store sysselsettingsauken.
Mykje av forklaringa ligg i auka yrkesdeltaking (yrkesfrekvens). Yrkesfrekvensen for ungdommar (15-19 år) auka frå 37,8 i 2007 til 45,5 % i 2008, og for 67- åringar var tilsvarande tal 25,3 og 28,3 %.
Tabell på hordaland.no/statistikk: Arbeidsmarknadsstatistikk, Hordaland 2007 og 2008. Personar etter tilknytting til arbeidsmarknaden.
Kjelde: SSB Statistikkbanken, hordaland.no/statistikk.
Sjå også:
Næringsbarometeret for Hordaland og Sogn og Fjordane.
http://www.ssb.no/regsys
Oversikt over yrkesfrekvensar etter aldersgrupper (SSB).