Endring i forvaltning og regelverk
Framlegga i Ot.prp. nr. 10 (2008-2009) Om lov om endring i forvaltningslovgivningen mv (gjennomføring av forvaltningsreforma) blei vedtekne i Stortinget i desember 2008. Stortingsvedtaket medfører at Fiskeridirektoratet sine regionkontor sine oppgåver knytt til tildeling av akvakulturløyve skal overførast til fylkeskommunane. Fiskeri- og kystdepartementet fastsette den 18. desember 2009 endringar i akvakulturregelverket som følgjer opp Stortinget sitt vedtak.
Sakshandsaming
Dette medfører at fylkeskommunane skal koordinere og vidaresende akvakultursøknader til relevante sektorstyresmakter og kommunar. Fylkeskommunane skal også sakshandsame søknader om løyve til både antallavgrensa og ikkje-antallavgrensa løyve. Vidare skal fylkeskommunane sakshandsame søknader om endringar for eksisterande verksemder og klarering av lokalitetar.
Fiskeridirektoratet klageinstans
Fiskeridirektoratet sentralt skal vera klageinstans for førsteinstansvedtak som vert gjort av fylkeskommunane. Fiskeridirektoratet sitt regionkontor sine tilsyns- og kontrolloppgåver i driftsfasen skal ikkje overførast til fylkeskommunane.
Faglege vurderingar
Forvaltningsreforma inneber ingen materielle forskriftsendringar. Tildeling av akvakulturløyve skjer i medhald av dei rammer akvakulturlova sett. Regelverket legg til grunn at tildelingsstyresmaktene si søknadshandsaming i hovudsak skal vera basert på faglege vurderingar. I den grad forskriftsverket opnar for bruk av skjønn, skal skjønnet vera fagleg kvalifisert.
Søknader der sakshandsaminga er starta i Fiskeridirektoratet, og som ikkje er ferdig handsama før årsskiftet vil bli overført til Hordaland fylkeskommune for vidare handsaming. Soleis er det viktig å merka seg at det er Hordaland fylkeskommune som må orienterast om resultatet av kommunane og sektorstyresmaktene si handsaming i 2010.
Adresse for søknader
Frå årsskiftet skal søknader, kommunale og sektorstyresmaktene sine uttaler/vedtak sendast til:
Hordaland fylkeskommune
Postboks 7900,
5020 Bergen
Har De spørsmål om forvaltningsreforma og/eller havbruksforvaltninga, ta gjerne kontakt med Hordaland fylkeskommune ved:
Lars Andresen, tlf : 917 47 117, e-post lars.andresen@post.hfk.no
Endre Korsøen, tlf: 917 64 632, e-post endre.korsoen@post.hfk.no
Oversikt over saksgangen ved handsaming av akvakultursøknader frå 2010
Sjå omtale på Fiskeridirektoratet si nettside
Sjå omtale på Fiskeri- og kystdepartementet si nettside
Andre lenkjer
Sjå brev frå kommunal- og regionaldepartementet med oversikt over nye oppgåver for fylkeskommunane frå 1. januar 2010
Meir om forvaltningsreforma på Kommunal- og regionaldepartementet si nettside