Formålet med partnarskap for folkehelse i Hordaland er å bidra til meir systematisk og heilhetleg folkehelsearbeid. Partnarskapen skjer i samarbeid mellom Fylkeskommunen, Fylkesmannen, kommunar, forskings- og utviklingsmiljø, kunnskapsinstitusjonar, samt interkommunale og frivillige organisasjonar. Partnarskap for folkehelse i Hordaland er under utvikling med mål om å samle alle kommunane og andre aktuelle folkehelseaktørar i partnarskapen innan utgangen av 2012.
No er 14 kommunar, fem frivillige organisasjonar og Helse Bergen med. Ved å inngå partnarskap kan vi nytte av kvarandes kompetanse, unngå unødig overlapping, og ikkje minst lære av kvarandre.
- Partnarane skal samordne og fremje folkehelse i eigen organisasjon, og bidra i partnarskapen.
- Fylkeskommunen oppfordrar, skapar og legg til rette for partnarskap, løyver tilskot, og spreier erfaringsutveksling.
Partnarane samlast i arbeidsmøter og konferanser for å utvikle samarbeid og innhald i partnarskapen samt å arbeide mot mer systematisk og langsiktig folkehelsearbeid i Hordaland. Folkehelsearbeid er sektorovergripande kor forankring i planverk understrekast.
Arbeidsmetoder, innhald og organiseringa av partnarskapen blir eige tema i planprosessen knytt til regional plan for folkehelsearbeidet som er planlegt ferdig sommaren 2012. Fram til da set partnarskapen seg årlege mål for arbeidet.
Plan og arbeidsmål for 2012 kjem snart.
Partnarar