Hordaland har ei komplett maritim klynge som på mange måter er i verdsklasse.
Tilskot til næringsutvikling
Maritime næringar er eit av innsatsområda i Hordaland.
Les meir om tilskot til næringsutvikling
Bergen er største sjørfatsby i Noreg og mange reiarlag har hovudkontor her. Den maritime klynga er nest største verdiskapar i regionen og er framleis inne i ein høgkonjuktur med kraftig vekst, høg investeringstakt og mangel på kvalifisert arbeidskraft. For reiarlag kan overgangsordningane mellom gammal og ny skatteordning føre til redusert investeringsevne som kan påverke den positive utviklinga i klynga.
Dei maritime næringane konkurrerer i ein global marknad. På Vestlandet har ein lange tradisjoner for kompetent internasjonalisering ved å satse på entreprenørskap, innovasjon og samarbeid om utvikling av marknadstilpassa løysingar i verdsklasse, som til dømes innan kjemikalietransport, papirtransport, offshore og nærskipsfart. Vellukka internasjonalisering vil framleis vere eit sentralt arbeidfelt saman med ei auka sasting på miljøtiltak.
I Hordaland skal innsatsen særleg rettast slik:
- Gjennomføre tiltak innan rekruttering, kompetanseutvikling,
innovasjon, internasjonalisering
og miljø, og auke samarbeidet langs
heile verdikjeda i maritim sektor. Gjennomføre
tyngre fellesprosjekt forankra i den maritime
klynga i fylket og med finansiering frå
nasjonale utviklingsprogram som MARUT.
- Stimulere til auka samarbeid mellom maritim
sektor og kunnskapsmiljøa i og utanfor
Hordaland. Utvikling av samarbeidet t.d. i
NCE Subsea, Viking Innovation Partner og i
dei maritime fora vil vere viktige satsingsområde
saman med andre klyngeprosjekt.
- Arbeide for likeverdige og stabile rammevilkår
for heile den maritime klynga slik at
norsk maritim industri er konkurransedyktig
i høve til andre land, særleg EU.
- Styrke og betre samarbeidet mellom FoUmiljøa
og maritim sektor. Satse på næringsretta
miljøtiltak som kan styrkje konkurranseevna
for den maritime klynga i
Hordaland.
Kontaktperson:
Arthur K. Arnesen, næringsseksjonen