Interesseorganisasjon på plass
-Interesseorganisasjonen senter for maritim og offshore drift og vedlikehald som blei etablert torsdag 22. september, er første steg på vegen for å få på plass eit permanent kompetansesenter innan drift og vedlikehald. Dette senteret håpar vi er i drift 3. januar 2012. Interesseorganisasjonen, som no er på plass, skal fungere i ein interimsfase til det permanente senteret er etablert, seier adm. Direktør Asbjørn Algrøy i Business Region Bergen. Etablering av eit slikt senter er eitt av tiltaka i Strategisk næringsplan for Bergensregionen.
Business Region Bergen er ein av initiativtakarane til senteret saman med partnarskapen NCE Subsea, Maritimt Forum og HOG Energi. Arbeidet med utvikling av ide og forprosjekt har halde på sidan 2009 og har vore støtta av Innovasjon Norge og Hordaland fylkeskommune.
Leiande driftsby
- Bergensregionen er Norges leiande driftsby, med eit stort og solid ingeniørmiljø som har fokus på utvikling a av spanande og avanserte metoder for drift, vedlikehald og modifikasjon av skip og olje- og gassinstallasjoner. Tusenvis av ingeniørar jobbar dagleg med å finne dei smartaste løysingane. Noko som igjen fører til auka lønnsemd og som sparar næringslivet for betydelege kostnader, seier Magne Husebø i CMR. Han har vore engasjert i arbeidet med å utarbeide stratergien for den nye interesseorganisasjonen som arbeider for å etablere eit permanent Senter for maritim og offshore drift og vedlikehald.
Manglar utdanning og utviklingsmuligheiter
Bergensregionen har eit blomstrande næringsliv innan drift og vedlikehald, men treng ein enda sterkare arena for å vidareutvikle miljøet, og eit godt utdanningsløp slik at næringa har enda betre tilgang til arbeidskraft med rett kompetanse.
Målet for det permanente Senter for maritim og offshore drift og vedlikehald er å få ein felles arena for å utvikle samhandlingsprosjekt mellom næringsliv og FoU-instutisjonar som igjen kan vidareutvikle eksisterande teknologi og prosessar og lage betre, smarare og meir økonomiske løysingar. – Etablering av eit slikt senter er heilt i tråd med fylkeskommunen sine mål og prioriteringar for utvikling av maritim sektor og energisektoren, seier Arthur K. Arnesen, seniorrådgjevar ved Hordaland fylkeskommune.
Trass storleiken og viktigheita av drifts- og vedlikehaldsindustrien har for vedrdiskapinga i regionen, er dette berre i avgrensa grad reflektert i det utdanningstilbodet som vert gjeve ved Universitetet i Bergen og Høgskulen i Bergen. På same måten vert det også utført avgrensa industriretta forsking og utvikling innan industriell drift og vedlikehald. Det nye senteret skal ta intiativ til å få på plass eit betre tilbod på teknisk masterutdanning for å samarbeide om forskings- og utviklingsoppdrag knytt til drift og vedlikehald.
Vekstambisjon
- Interesseorganisasjonen som no er etablert, skal nytte hausten til å tilretteleggje for eit permanent senter. Dei utreiingane som partnergruppa har fått gjennomført, viser at eit slikt senter trengs. No er det opp til næringsliv og forskings- og utviklingsmiljøa å melde si interesse for det permanente senteret vi ynskjer å få på plass i januar, seier Knut Vindenes frå Reinertsen. Hordaland fylkeskommune har allereide signalisert at dei vil være med og støtte dette arbeidet vidare.
Styresamansetning
Interesseorganisasjonen senter for maritim og offshore drift og vedlikehald:
Knut Vindenes, Reinertsen AS, leiar
Arne B. Riple, Aker Solutions Subsea
Jan Konrad Olseth, Aibel AS
Arvid Nøttvedt, Christian Michelsen Research AS
Halvor Austenå, Høgskulen i Bergen
Geir Arne Rolland, Odfjell Drilling
Stig T. Andersen, Bergen Group
Efraim Kanestrøm, Rolls-Royce Marine
Bård Espelid, DNV
Svenn Erik Edal, Deloitte AS
Arne Rokkan, CGGVeritas /CGGVeritas Eidesvik Shipmanagment
Tore W. Mohn, Aker Solutions AS
For ytterligare informasjon, ta kontakt med:
Styreleair Knut Vindenes på mobil: 98 23 49 52
kommunikasjonssjef Tone Hartvedt, Business Region Bergen på mobil: 917 29 055