Det meste av verdiskapinga innan marine- og maritime næringar i landet skjer på Vestlandet. Det viser ein ny rapport utarbeidd for Vestlandsrådet. Rapporten viser at 64 prosent av verdiskapinga skjer på Vestlandet. Dette utgjer 10 prosent av Noregs brutto
10 prosent av Noregs bruttonasjonalprodukt kjem frå marine- og maritime næringar på Vestlandet.
Grunn til optimisme
Den marine- og maritime verksemda omfattar fiske, oppdrett, foredling og sal, reiarlag, verft og tenesteleverandørar og utstyrsprodusentar i tilknyting.
– Rapporten gir grunn til optimisme og tru på ei berekraftig utvikling på Vestlandet. At 10 prosent av Noregs bruttonasjonalprodukt kjem frå marine- og maritime næringar på Vestlandet, viser at vi kan meir enn olje og gass, seier leiar av Vestlandsrådet, Tom Tvedt
248 milliardar kroner i omsetnad
Rapporten viser at den maritime næringa på Vestlandet har vel 64.000 tilsette i totalt 7.423 selskap. Dei har ein årleg omsetnad på 248 milliardar kroner. Dette utgjer 60 prosent av omsetnaden innan den maritime næringa i Noreg. Verdiskapinga innan næringa på Vestlandet er på 62 milliardar kroner som utgjer 64 prosent av den totale verdiskapinga innan næringa i landet.
Årsresultat på 27 milliardar kroner
Dei 7.423 selskapa på Vestlandet har eit totalt årsresultat på 27 milliardar kroner.
Les heile rapporten hos Vestlandsrådet
Les rapporten ”Den maritime næringen på Vestlandet” (pdf-format)
Sjå nøkkeltall for den maritime næringen på Vestlandet (powerpoint)