Fylkestingsrepresentantar, samarbeidspartnarar og dei tilsette har òg delteke for å gje samanlikningsgrunnlag. Her er nokre av funna i rapporten:
Innbyggjarar i Hordaland (Kap.4-5)
• Innbyggjarane er mest nøgde med desse fylkeskommunale tenestene:
• Ungdomskort for kollektivtrafikk (72 %)
• Tannlegetenesta for born og unge (68 %)
• Dei vidaregåande skulane (67 %)
• Yrkesretta fagskular (61 %)
Ungdomskort for kollektivtrafikk er noko av det innbyggjarane i Hordaland er mest nøgde med.
• 5 av 10 meinte i november 2010 at kvaliteten på busstilbodet i Bergen og Hordaland var dårleg. 24 % var nøgde med busstilbodet og 25 % svara ”verken eller.” 55 % var nøgde med Bybanen. 22 % var ikkje nøgde.
• 39 % av innbyggjarane svarar korrekt at fylkesordføraren i Hordaland heiter Torill Selsvold Nyborg. 18 % trur at fylkesordføraren heiter Lars Sponheim (han er fylkesmann), medan 43 % svarar at dei ikkje veit.
• 31 % av innbyggjarane veit at koalisjonen FrP/H/KrF styrer fylkeskommunen. 13 % meiner det er Ap/KrF/SP. 40 % svarar ”veit ikkje.”
• 59 % av innbyggjarane får ingen kjensler eller assosiasjonar når dei ser eller høyrer namnet Hordaland fylkeskommune. 27 % får positive kjensler og 14 % får negative.
39 av 100 innbyggjarar i Hordaland veit at Torill Selsvold Nyborg er fylkesordførar.
• Eit fleirtal av innbyggjarane meiner Hordaland fylkeskommune er ”konservativ,” ”viktig” og ”ansvarleg.”
• 50 % av innbyggjarane meiner at fylkeskommunen er viktig for utviklinga av Hordaland fylke.
• 25 % er heilt samde i påstand om at fylkeskommunen løyser sine oppgåver med høg kvalitet. Det store fleirtalet svarar ”verken eller” eller ”inga meining.”
Fylkestingsrepresentantar (Kap.7)
• Fylkestingsrepresentantane har generelt eit langt meir positivt syn på fylkeskommunen enn alle andre grupper.
• 69 % får umiddelbart positive assosiasjonar til Hordaland fylkeskommune.
• Eit stort fleirtal meiner fylkeskommunen er ”ansvarleg,” har ”høg kompetanse” og ”viser respekt.”
• Eit like stort fleirtal meiner at fylkeskommunen ikkje er prega av å vera ”effektiv.”
• Fylkestingsrepresentantane er mest nøgde med kvaliteten på vidaregåande skular, tannlegetenester og ungdomskort. Dei er minst nøgde med busstilbodet.
• 71 % av fylkestingsrepresentantane meiner at fylkeskommunen løyser oppgåvene sine med høg kvalitet.
Samarbeidspartnarar/nøkkelinteressentar (Kap.6)
• Eit fleirtal av nøkkelinteressentane meiner Hordaland fylkeskommune er ”ansvarleg,” ”truverdig” og ”konservativ.”
• 46 % av nøkkelinteressentane har positive kjensler i forhold til HFK. 5 % har negative kjensler og 49 % svarar ”verken eller.”
• HFK skårar høgt på å vera ”rettskaffen” og ”open.”
• HFK skårar lågt på ”tilpasningsdyktighet,” ”sakshandsamingstid” og ”å sette innbyggjarane fremst i prioriteringar.
• 45 % meiner at fylkeskommunen løyser sine oppgåver med høg kvalitet.
Tilsette i Hordaland fylkeskommune (Kap.8)
• Eit fleirtal av dei tilsette meiner Hordaland fylkeskommune er ”ansvarleg,” ”viktig” og har ”høg kompetanse.”
• Fleirtalet meiner fylkeskommunen er lite prega av å vera ”effektiv,” ”utradisjonell,” ”kreativ,” ”fleksibel” og ”moderne.”
• 93 % av dei tilsette opplever å ha eit meiningsfullt arbeid i Hordaland fylkeskommune.
• 9 av 10 meiner at arbeidet dei har er viktig for fylkeskommunen sitt omdøme.
• 8 av 10 tilsette opplever at dei er med på å løyse viktige samfunnsoppgåver.
• 6 av 10 tilsette er stolte av å jobbe i Hordaland fylkeskommune.
• Mange tilsette er i tvil om fylkeskommunen sine oppgåver vert løyste godt nok, om dei bidreg til å gjere Hordaland til eit attraktivt fylke og om innbyggjarane sine interesser står fremst i prioriteringar.
• 3 av 10 meiner at fylkeskommunen har eit godt omdøme.
• 2 av 10 meiner at fylkeskommunen tilpassar seg lett til samfunnsendringar.
• 2 av 10 meiner at fylkeskommunen er overflødig.
Samanlikningar mellom gruppene
Omdømerapporten utdjupar og underbyggjer alle funn som er omtalt her. Det er òg gjort samanlikningar av svar frå dei fire respondentgruppene i tekst og figurar. Vi kan mellom anna visa til figurane på sidene 40, 48, 49, 50, 52 og 62 i rapporten. Alle spørsmålsskjema som vart utsendt finst i vedleggskapittelet (kap.9).
Dei viktigaste funna i eit omdømeperspektiv
Sett i omdømeperspektiv er det grunn til å merka seg dei viktigaste funna som er omtalt i rapporten sitt samandrag (s.6-7):
• Hordaland fylkeskommune har ein synleg logo – men folk flest har få klåre assosiasjonar til denne.
• Hordaland fylkeskommune gir ikkje inntrykk av å vera effektiv eller lett i stand til å tilpassa seg endringar i samfunnet.
• Hordaland fylkeskommune blir opplevd som ansvarleg, truverdig og med høg kompetanse.
• Innbyggjarane har generelt inntrykk av god kvalitet på fylkeskommunen sine tenester, unnateke busstilbodet.
• Hordaland fylkeskommune gir ikkje inntrykk av at ein set innbyggarane fremst i prioriteringane sine.
• Det er ungdom mellom 16 og 24 år som har det beste inntrykket av Hordaland fylkeskommune.
Dei viktigaste utfordringane i høve til HFK sitt omdøme
Rapporten gir òg tilrådingar om nokre utfordringar som desse funna gir i høve til å styrkja fylkeskommunen sin identitet og omdømet i befolkninga (s.6-7):
• Hordaland fylkeskommune sin synlege posisjon og logo må fyllast med eit innhald som byggjer på eit klårt mål (visjon) og åtferdsverdiar som imøtegår evt. negative inntrykk.
• Det er stort potensial i at svært mange innbyggjarar har få eller ingen assosiasjonar til fylkeskommunen og heller ikkje har særleg inntrykk av kvaliteten på tenester og oppgåver som fylkeskommunen tek seg av.
• Hordaland fylkeskommune må kommunisera betre:
• kva fylkeskommunen gjer og kvifor.
• at kompetanse, tenester og utviklingsarbeid kjem alle i fylket til gode.
• fylkeskommunen si politiske rolle.
• Hordaland fylkeskommune bør satsa spesielt på kommunikasjon med ungdom.
Fakta om Omdømerapporten "På sporet av en identitet"
- Ei kartlegging av inntrykk og oppleving av Hordaland fylkeskommune blant innbyggjarar, samarbeidspartnarar, fylkestingsrepresentantar og eigne tilsette.
Som forarbeid til ein pågåande identitetsprosess som går føre seg internt i organisasjonen er det gjennomført ei kartlegging av inntrykk og oppleving av Hordaland fylkeskommune blant innbyggjarar (n=1098, webpanel), samarbeidspartnarar/nøkkelinteressentar (n=235, svarprosent:71), fylkestingsrepresentantar (n=30, svarprosent 54) og eigne tilsette (n=2721, svarprosent 60).
Spørjeundersøkinga for tilsette vart gjennomført i september 2010 og for innbyggjarar, nøkkelinteressentar og fylkestingsrepresentantar i november 2010. Spørjeskjema vart utvikla av Hordaland fylkeskommune (organisasjonsavdelinga) i samarbeid med Ordkraft AS som sto ansvarleg for teknisk gjennomføring, samt analyse og rapportering. Rapporten ”På sporet av en identitet” er skriven av Ordkraft og vart overlevert til Hordaland fylkeskommune i april 2011.
Funn i rapporten vert brukt i det pågåande identitetsarbeidet, som omfattar utvikling av overordna visjon og åtferdsverdiar for tilsette i Hordaland fylkeskommune, samt utvikling av ny visuell profil.
Heile omdømmerapporten (pdf)