Internasjonale Hordaland
Med dette som bakteppe underteikna fylkesordførar Torill Selsvoll Nyborg i 2009 partnarskapsavtale med Freistat Thüringen i Tyskland. Denne har som mål å fremja regional utvikling i begge regionar, med eit særleg fokus på prosjektsamarbeid retta mot innovasjon, forsking og utvikling.
Når HKF valde å inngå eit meir formalisert samarbeid med denne regionen, har det samanheng med at Hordaland har hatt nære relasjonar til, og konstruktivt prosjektsamarbeid med, Thüringen sidan tidleg på nittitalet. Dessutan er fleire av dei industrielt orienterte forskingsmiljøa i Thüringen svært aktuell for store deler av vår eigen industri.
Pågåande prosjekt
Det er gledeleg å registrera at målgruppene i Hordaland har fatta stor interesse for denne satsinga i RUP. I 2009 kom Universitetet i Bergen, ved Instituttet for Fysikk & Teknologi med i prosjektet ”European Micro Nano Broker Platform”, der partnarskapet femner om fem land, og Høgskulen Stord Haugesund, som saman med Grieg Music Education er med i prosjektet ”Songs2see”.
I søknadsrunden for 2010 fekk prosjektet ”Sea Water Quality Monitoring and Management” godkjenning, der Havforskingsinstituttet er med. Det same gjorde ”Sustainable and green solutions for online media in enhenced networks”, der Bach Technology AS i samarbeid med UiB, Instituttet for Informatikk, er med frå Hordaland.
Meir pengar i 2011
Den 13. april i år vart det arrangert informasjonsmøte hos Hordaland fylkeskommune i samband med utlysning av prosjektmidlar for 2011. Også i år deltok representantar frå LEG (Landes Entwicklungs Gesellshaft) Thüringen, som er fylkeskommunen sin samarbeidspartnar på operativt nivå.
Vel 20 bedrifter og FoU-miljø deltok på møtet. European Commodity ManagementAS, Bach Technologies AS, BKK AS, Christian Michelsen Research, Michelsen Senteret, UiB, HiB, Kraftsenteret, Straumekraft, SNU AS og HOG Energi er alle aktørar som er aktuelle søkjarar i denne utlysningsrunden for regionale verkemidlar, og der ”Grøn teknologi” er fokusområde.
Lars Tveit er kontaktperson for næringsretta internasjonal satsing i Hordaland fylkeskommune.
Søk tilskot her
Frå høgre Lars Wrage, prosjektleiar og Kathrin Wagner prosjektassistent for EU samarbeid i LEG Thüringen, og Lars Tveit, som koordinerer samarbeidet med Thüringen for Hordaland fylkeskommune.