Flytt til Hardanger fase 2 får 3 080 000 kr i omstillingsmidlar frå Hordaland fylkeskommune i år.
Hordaland fylkesutval har fordelt omstillingsmidlar for 2011 til fire prosjekt. Dei tre andre prosjekta som får midlar er:
Inkubatoren Industriutvikling Vest AS i Nordhordland med 750 000 kr, utvikling av industriell kompetanse i Sunnhordland inntil 1,25 mill. kr og inntil 1,6 mill. kr til kommunar i det nye næringshageprogrammet.
Nytt tiltak
Kommunal- og regionaldepartementet og SIVA har vedtatt nytt nasjonalt næringshageprogram som skal strekkja seg over 10-år, og med oppstart 2. halvår 2011. Kvar einskild næringshage må søkja om opptak i det nye programmet. Det er lagt opp til at SIVA dekkjer 50 %, fylkeskommunane 25 % og deltakarverksemdene 25 % av totale årlege kostnadar.
Summen på inntil 1,6 mill. kr skal dekka fylkeskommunen sin innsats.
Pressemelding om vedtak i Hordaland fylkesutval 23. juni 2011 (pdf-fil)