Dregen i gang
Onsdag 10. februar blir satsinga dregen i gang på Stord Hotell, Leirvik. Det blir nettverkssamlingar kvar månad utover vinteren og våren.
Myldrar av aktivitetar
Stikkord for kvinnovasjon er: Nyskaping, kreativitet, etablering, kunnskap, nettverk, motivasjon, begeistring, inspirasjon, kvinner, styrearbeid, leiing og iver. Over heile landet myldrar det av aktivitetar med desse stikkorda som fellesnemnar. Utviklingsmiljø og næringshagar arbeidar mot same mål: Å mobilisere og motivere fleire kvinner til å starte eigne bedrifter, til vidareutvikling av alt etablerte bedrifter og til generelt å engasjere seg meir i næringsutvikling.
Samarbeid
Satsinga i Sunnhordland skjer i samarbeid mellom Samarbeidsrådet for Sunnhordland, ei regional prosjektgruppe, Hordaland Fylkeskommune og Innovasjon Noreg.
Prosjektleiing
Det regionale samarbeidsorganet Atheno har fått prosjektleiinga i Sunnhordland og for hovudprosjektet i Hordaland. I Hordaland samarbeidar prosjektet med Nyskapingsparken i Bergen og næringshagane på Voss, Odda og Mongstad. Prosjektet blir styrt av SIVA (Selskapet for Industrivekst) og blir finansiert av Kommunal- og regionaldepartementet.
Styrke entreprenørskap
Kvinnovasjon er ein del av arbeidet regjeringa gjer for å styrke entreprenørskap blant kvinner. Noreg treng fleire kvinner som etablerer eigne bedrifter. Då prosjektet starta som pilotprosjekt i 2006, vart berre 32 prosent av nye bedrifter i landet starta av kvinner. I 2013 er målet til Stortinget at delen skal auke til 40 prosent.
Meir om Kvinnovasjon i Sunnhordland
Informasjon om "Kick-off"-samlinga på Stord Hotell 10. februar
Meir om det regionale samarbeidsorganet Atheno