Gründerportalen Kom-an.no lyser ut fotokonkurranse. Konkurransen skal bidra til å skapa engasjement for etablerarverksemd, og toppremien er på heile 10.000 kroner. Dei ti beste bileta vert premiert.
Fotokonkurranse
-Kva forbinder du med temaene ”skaparglede”, ”gode lokalsamfunn” og med ”Kom-an-hoppet”? Ta eit godt bilete og send det til oss, oppfordrar rådgjevar Jon-Erik Vollan i næringsseksjonen i Hordaland fylkeskommune.
Bileta kan gjerne visa menneskjer og/eller element som viser til stadar i Hordaland.
Engasjere publikum
Når temaet er såpass vidt, er det nettopp for å ta høgde for den store variasjonen som finst i publikum si førestellingsverd kring gründerverksemd. Folk skal kunna kjenna seg att i temaet, seier Vollan som er spent på korleis publikum ønskjer å visualisera kva dei personleg forbinder med entrepenørskap.
Nettstad for entreprenørskap
Entreprenørskap og livskraftige lokalsamfunn er høgt prioritert i Hordaland fylkeskommune. Diverre finst det lite biletmateriell som er eigna til å illustrera temaet på ein god måte, held Vollan fram. Dei som deltek i konkurransen må vera innforstått med at alle bilete – også dei som ikkje vert premierte – kan verta nytta i samanhang med profilering av nettstaden kom-an.no.
Påmelding
Freisten for å senda inn gode bilete er 10. november kl 12.00.
Les meir på kom-an.no for påmelding og konkurransereglar.
For meir informasjon, kontakt Jon-Erik Vollan,
tlf. 55 23 94 22
Jon-erik.vollan@post.hfk.no