Ny prosjektrapport presenterer ein prototyp for blåskjelanlegg basert på AkvaVis-verktøy. Prototypen er utvikla for Hardangerfjorden.
Samandrag av rapporten
AkvaVis er eit dynamisk GIS-verktøy for lokalisering av oppdrettsanlegg, og rapporten presenterer ein prototyp for blåskjelanlegg.
AkvaVis kombinerer kartfesta eigenskapar som djupne, straum og avstand til andre objekt, og lar objekta kommunisera eigenskapar med kvarandre for å finna best mogleg lokalisering.
Verktøyet bereknar òg bæreevna på den enkelte lokalitet ved hjelp av matematiske simuleringsmodellar. Prototypen er utvikla for Hardangerfjorden, og rapporten gjev ein oversikt over topografi, hydrografi og straum i fjorden. For vidare utvikling av systemet gjev den òg ei oversikt over miljøkrava til nye oppdrettsartar og for laks.
Les heile prosjektrapporten her.