Rekordmange saker for kultur- og ressursutvalet
Heile 39 saker skal kultur- og ressursutvalet handsame i Telavåg tysdag 31. mars, mellom anna tilskot til kulturminneåret og ein del andre kulturtiltak. Fylkesdelplan for små kraftverk står og på sakslista.
27.03.2009 Bjarte Brask Eriksen Les heile saka
Fire nye bokbåtstopp på vårturen
Bokbåten er så populær at vårturen er utvida med ein dag fordi det har kome nye stopp i Ullensvang, Tysnes, Sund og Askøy. Frå 20. mars til 21. april turnerar "Epos" til 57 stader i 22 kommunar. Kulturprogrammet denne gongen er dokketeateret "Luft og kjærlighet" med Giert Werring og dukkene Baldrian og Musa. Bokbåten - Bokbåtklubben
20.03.09 Ragni Zlotos Pressemelding (pdf)
Hordaland – vinnar i fordeling av krisemidlar til freda bygningar
Hordaland har fått tildelt 10 mill. kr frå Riksantikvaren til å setja i stand og halda vedlike freda bygningar i privat eige. På landsbasis har Riksantikvaren førebels fordelt 76 mill. kr øyremerkt slike kulturverntiltak frå regjeringa si tiltakspakke.
10.03.2009 Stanley Hauge Les heile saka
Statsråd Solheim: Går for verdsarvstatus for Odda
Riksantikvaren skal ha søknaden frå Odda kommune med i arbeidet for å få fleire norske kulturminne på UNESCO si verdsarvliste. I første omgang på den tentative lista.
04.03.2009 Stanley Hauge Les heile saka
Tok opp viktige kultursaker med departementet
Fylkesordførar Torill S. Nyborg besøkte tysdag 3. mars Kultur- og kyrkjedepartementet saman med leiar i kultur- og ressursutvalet Helge Andre Njåstad og kst. fylkeskultursjef Ronny Skaar. Føremålet med møtet var å informera departementet om viktige kultursaker for Hordaland.
04.03.2009 Les heile saka
Med "Vidsyn" på fleirkulturelle bibliotektenester
Som informasjonstilbydar, læringsarena og møteplass har biblioteka potensiale for å vere gode bidragsytarar til inkludering, integrering og mangfald. På en konferanse delte bibliotekarene erfaringer fra Prosjekt Vidsyn.
20.02.09 Les heile saka
”Simons historie” nominert til Gullsekken 2009
Framsyninga ”Simons historie” er nominert til Gullsekken 2009. Dette er andre gongen eit av forslaga frå Hordaland fylkeskommune er nominert til Den kulturelle skolesekken sin nasjonale pris for best produksjon for barn og unge.
19.02.2009 Les heile saka
Løyve til endring på freda bygg (nyare tid)
Hordaland fylkeskommune har ansvar for forvaltninga av freda bygningar og anlegg frå nyare tid (etter 1537) i Hordaland. At eit kulturminne er freda inneber at alle endringar som går utover vanleg vedlikehald må godkjennast av styresmaktene. Les heile saka
Kultur- og ressursutvalet 10. februar
Folkehelsearbeid, klimaplan og internasjonal strategi for Hordaland er mellom sakene til møtet i kultur- og ressursutvalet tysdag 10. februar. Fråsegner til ei rekkje kommunale planar og utsmykking av bybana står også på sakskartet.
06.02.2009 Stanley Hauge Les heile saka
300 000 kr til prosjektet "Nettbasert kulturformidling Hordaland"
Hordaland fylkeskommune, kultur og idrettsavdelinga, har fått 300 000 kroner i tilskot frå ABM-utvikling til eit prosjekt som gjeld utvikling av digitalt innhald og tenester.
Oversyn over alle tildelingane Nettbasert kulturformidling Hordaland
06.02.2009
Tilskot til arrangement og tiltak i samband med Kulturminneåret 2009 Kultur- og ressursutvalet i Hordaland fylkeskommune har sett av midlar til Kulturminneåret 2009, og desse skal mellom anna gå til tilskot til lokale arrangement og tiltak i Hordaland.
Søknadsfrist er 1. mars.
26.01.2009 Les meir her
Rosande omtale av fylkesmusikk
I Spelemannsbladet nr. 8/2008 er det rosande omtaler av platene til FYHND (Horvei, Mjølsnes, Rolland), Frank Rolland og Åse Teigland.
Hordaland fylkeskommune og Rikskonsertene
starta 14. januar ein 16 dagars lang skuleturné med hardrockrane Audrey Horne, sjå artikkel i BA.
Desentralisert ordning for tilskot til kulturhus 2009
Forvaltning av den desentraliserte tilskotsordninga for tilskot til kulturhus er delegert Hordaland fylkeskommune. Nytt i år er at alle søknader skal registrerast elektronisk. Søknadsfrist er sett til 15. mars 2009.
17.01.2009 Les heile saka
Tilrår freding av Telegrafen
Kultur- og ressursutvalet i Hordaland tilrår at den gamle Telegrafbygningen i Bergen blir freda. Saka blir no sendt ut på offentleg høyring. Endeleg vedtak skjer hos Riksantikvaren.
16.01.2009 Bjarte Brask Eriksen Les heile saka
Vurderer fredning av Telegrafen
Fredning av den tidligegare telegrafbygningen i Bergen er ei av sakene som Kultur- og ressursutvalet i Hordaland skal handsame i møtet tysdag 13. januar.
07.01.2009 Les heile saka
Fylkeskommunalt stipend til fem idrettstalent
Hordaland fylkeskommune sine utviklingsstipend i idrett for 2008 er tildelt fem unge og lovande utøvarar. Kvart stipend er på 20 000 kr.
10.12.2008 Tekst og foto: Stanley Hauge Les heile saka
Heidra toppidrettsutøvarar
Sju toppidrettsutøvarar i Hordaland er heidra med fylkeskommunen sitt fat for særlege idrettsprestasjonar i 2008. Fire av dei tok medalje ved OL og Paralympics i Beijing
10.12.2008 Stanley Hauge Les heile saka
Bokbåten stadig like populær
52 stader, fleire besøkande, nye bøker og ein digital bokbåtklubb har bokbåtmannskapet meistra. Særleg barna var nøgde med det flytande biblioteket.
05.12.2008 Siri Sjursen Les heile saka
BIKS nominert til Frivillighetsprisen 2008
– Det er ei ære å bli nominert til Frivillighetsprisen 2008, seier Mariam Mafi, dagleg leiar i Bergen Internasjonale kultursenter (BIKS). BIKS er ein av tre kandidatar til prisutdelinga 5. desember direkte på ”God morgen Norge” på TV2. Kulturminister Trond Giske delar ut prisen.
04.12.2008 Bjarte Brask Eriksen Les heile saka
Saman for UNESCO-status
Ordførar Gard Folkvord i Odda kommune og fylkesordførar Torill Selsvold Nyborg i Hordaland fylkeskommune har no sett seg i førarsetet for å sikra framdrifta av søknaden til UNESCO for å få Odda på verdsarvlista.
02.12.2008 Tekst og foto: Simon Sortland Les heile saka
Slutt på gratis pengar til idretten
– Det er slutt på at vi gjev gratis pengar til idretten. Vi krev noko igjen, sa sponsorsjef Jacob Lund i DNB Nor på fylkesidretts-konferansen i Hordaland 20. november.
21.11.2008 Bjarte Brask Eriksen Les heile saka
Opera og Olympiatoppen i Kultur- og ressursutvalet
Kultur- og ressursutvalet held møte tysdag 11. november 2008, kl. 11.00 i Fylkeshuset, Agnes Mowinkelsgt. 5, i Fylkesutvalssalen. Etter ein presentasjons- og informasjonsrunde om fylkeskommunen sitt utviklingsstipend 2008 og Den nye opera skal sju sakar handsamast.
06.11.2008 Les heile saka
Stor interesse for kulturkonferansen
Det er stor interesse for den 33. kulturkonferansen for Hordaland. Meir enn 150 er påmeldt konferansen som vert halden 30. og 31. oktober på Park Hotell Vossevangen. Tema blir lokal og regional kultur.
29.10.2008 Les heile saka
Fylkeskonferansen - fysisk aktivitet, idrett og friluftsliv 2008
Fylkeskonferansen - fysisk aktivitet, idrett og friluftsliv 2008 vert arrangert 20. og 21. november i Bergen (Thon Hotel Bergen Airport, Kokstaveien 3). Hovudkonferansen vert halden torsdag 20. november. Påmeldingsfristen er 1. november.
24.10.2008 Les heile saka
Fylkeskommunen vil gjenreise Skuteviksboder 11-14
Av omsyn til opplevinga av kulturmiljøet i Sandviken og kulturminneverdiane i dei attverande sjøbodene gjer Hordaland fylkeskommune vedtak om gjenreising av Skuteviksboder 11-14.
20.10.2008 Stanley Hauge Les heile saka
50 konsertar med Hauge-Tveitt
Fylkeskonsertane Hordaland er no på ein omfattande kombiturné som skal gå til ulike stader i Hordaland. 11 kveldskonsertar og 39 skulekonsertar skal dei tre utøvarane Reidun Horvei (song), Einar Mjølsnes (hardingfele/viola da gamba) og Geir Botnen (klaver) gjennomføre fram til 16. november. Og etter det skal dei vitja venskapsfylket Orknøyane.
17.10.2008 Les heile saka
Kulturarbeidarpris til Venelaget Olav H. Hauge
Hordaland fylkeskommune sin kulturarbeidarpris for 2008 er tildelt tre kandidatar. Hovudprisen på kr 30 000 er tildelt Venelaget Olav H. Hauge. To prisar på kr 10 000 kvar er tildelte: Fjell kystlag og Mostraspelet.
15.10.2008 Les heile saka
Den kulturelle skulesekken
For utøvarar: Frist for innsending av prosjektforslag til skuleåret 2009/2010 er 1. desember 2008.
Utøvarar og andre kan sende oss forslag til innhald i Den kulturelle skolesekken skuleåret 2009/2010 innan 1. desember i år. På grunn av stor pågang rekk me ikkje å svare alle, men tek kontakt med dei som er aktuelle for turné. Les heile saka
Kulturkonferansen for Hordaland 2008
Den årlege kulturkonferansen for Hordaland, den 33. i rekkja, vert halden 30. og 31. oktober på Park Hotell Vossevangen.
Tema blir ”Lokal og regional kultur”. Les heile saka
Digitale forteljingar om Tveitt og Hauge
Hardanger-kunstnarane Geirr Tveitt og Olav H. Hauge ville ha vore hundre år i 2008. Seks personar frå lokalmiljøet deira fortel om møte med kunst og kunstnarar i digitale forteljingar på nettstaden eldreveven.
06.10.2008 Les heile saka
Folkefest for OL-helt
Sølvmedaljevinnaren frå Beijing OL, Alexander Dale Oen, vart feira med brask og bram i heimkommunen Øygarden måndag 29. september.
01.10.2008 Les heile saka
Første fylkeskommunale cd lansert med fy(h)nd
Fylkesmusikarane vart etablert for å bere folkemusikktradisjonen vidare. Det er ei stor glede for oss å få høre perlene som kommer på denne konserten, sa fylkesvaraordførar Tom-Christer Nilsen då den første cd-en til Hordaland fylkeskommune vart lansert på tusenårsstaden Kabuso i Øystese søndag kveld.
16.09.2008 Bjarte Brask Eriksen Les heile saka
Fyhnd med CD-slepp og turné
Fyhnd, fylkesmusikarane i Hordaland, er klare med den første CD-en sin. Fylkeskommunen lanserer CD-en i Kabuso 14. september. Deretter skal Fyhnd på turné i 14 dagar både i og utanom Hordaland.
04.09.2008 Stanley Hauge Les heile saka
Støttar freding av Granvin kyrkje
Hordaland fylkesutval støttar framlegget frå Riksantikvaren om freding av Granvin kyrkje. Fylkesutvalet ber om at Riksantikvaren set av midlar til vedlikehald av kyrkja, slik at kulturminneverdiane vert tekne vare på for framtida.
28.08.2008 Stanley Hauge Les heile saka
Fylkeskommunen vil ha museumsmakt tilbake frå staten
Fylkesutvalet i Hordaland meiner at fylkeskommunane må få attende handlingsrommet til å nytta ABM-feltet som verkemiddel i regional utvikling og på ny kan ha eit samlande grep om museumspolitikken.
28.08.2008 Stanley Hauge Les heile saka
Stor fylkeskommunal satsing på skulebygg og kunstnarleg utsmykking
Det er stor byggeaktivitet i fylkeskommunal regi, og det vart naudynt å setje nytt fokus på ordninga med kunstnarleg utsmykking av fylkeskommunale bygg. Kultur- og idrettsavdelinga i samarbeid med Eigedomsseksjonen har jobba fram oppdaterte retningsliner og prosedyre for arbeidet med kunstnarleg utsmykking i fylkeskommunale bygg. Det jobbast også konkret med fleire utsmykkingsprosjekt, og aktuelt no er m.a. utlysning av prekvalifisering til konkurranse om kunstnarleg utsmykking i Nordahl Grieg videregående skole. Les heile saka
Fylkeskommunen støttar til film og tv-produksjonar
- Det er ei glede for meg i dag å kunne stå for den første tildelinga av fylkeskommunal stønad til utvikling av så vel filmprosjekt som TV produksjonar i Hordaland, sa fylkesordførar Torill Selsvold Nyborg då ho fredag føremiddag delte ut 700 000 kroner frå utviklingsmidlane. Filmprodusent Maria Ekerhovd frå Sotra fekk støtte til to av sine prosjekt.
15.08.2008 Tekst og foto: Simon Sortland Les heile saka
Kystsogevekene 2008 opna i Bergen 9. august
Laurdag 9. august vart Kystsogevekene 2008 offisielt opna på Bryggen i Bergen. Opningsarrangementet var og ein del av programmet under Tall Ships Race 2008 som har vitja Bergen heile helga. Nytt av året er det at Kystsogevekene er utvida til Shetland og Orknøyane.
11.08.2008 Les heile saka
Konsertar med folkemusikkgruppe frå Orknøyane
West Mainland Strathspey & Reel Society er ei gruppe med folkedansarar og –musikarar frå Orknøyane som er på vitjing i Bergen frå 2. til 9. juli. I løpet av opphaldet har dei mellom anna hatt konsertar både på Torgallmenningen og på Troldhaugen.
08.07.2008 Charlotte Lillefjære-Tertnæs (tekst & foto) Les heile saka
Nytt interreg-prosjekt ”Economusées Northern Europe”
”Economusées Northern Europe” - ENE er eit Interreg-prosjekt under Northern Periphery programmet. Hordaland Fylkeskommune er ”lead partner” for prosjektet, som er et samarbeid med regionar i Irland, Nord-Irland, Island og Færøyane, i tillegg til det Internasjonale samfunnet for nettverket av Economusèer, som holdar til i Quebec. Frå vestlandet sin del har både Bergen kommune og Aurland kommune gått praktisk og økonomisk inn i samarbeidet.
30.06.2008 Charlotte Lillefjære-Tertnæs (tekst & foto) Les heile saka
Astrup frå kultur til «Internasjonalt arbeid»
Ingebjørg E. Astrup er tilsett som leiar for arbeidslaget Internasjonalt arbeid i Hordaland fylkeskommune. Ho tek til i stillinga 1. september.
24.06.2008 Stanley Hauge Les heile saka
Ronny Skaar kst. fylkeskultursjef
Ronny Skaar er konstituert som fylkeskultursjef i Hordaland fylkeskommune frå 1. juli 2008.
24.06.2008 Stanley Hauge Les heile saka
Nye opplevingar på Eldreveven
Gjennom eit samarbeid med Hauge-Tveitt jubileet 2008 og Mediesenteret ved Høgskolen i Bergen har fylkesbiblioteket invitert eldre frå Hardanger til å fortelje om møta med personane Hauge og Tveitt, eller kunsten deira. Torsdag 5. juni er den siste forteljeverkstaden i Ulvik.
05.06.2008 Les heile saka
Kultur- og ressursutvalet til Bømlo og Sveio
Kultur og ressursutvalet i Hordaland reiser til Bømlo og Sveio måndag 2. og tysdag 3. juni. Sakshandsaminga startar tysdag 3. juni klokka 12.00 i heimen til komponisten Fartein Valen i Valevåg.
30.05.2008 Stanley Hauge Les heile saka
Kulturarbeidarprisen for 2008
Hordaland fylkeskommune deler i 2008 ut ein til tre kulturarbeidarprisar til enkeltpersonar, grupper, lag eller organisasjonar som har utmerkt seg med eit kulturarbeid som har eller har hatt mykje å seia for kulturlivet i Hordaland.
28.05.2008 Les heile saka
Blomster og heiderleg omtale til gullsekknominerte ”Chillegrunn”
Hordalandskunstnaren Pedro Carmona Alvarez tok imot blomster og heiderleg omtale for vandreutstillinga ”Chillegrunn” då Gullsekken vart delt ut i Bergen 26. mai.
27.05.2008 Bjarte Brask Eriksen Les heile saka
Fylkesstøtte til Os kunst- og kultursenter
Os kommune får 4,5 mill. kr i tilskot frå Hordaland fylkeskommune til Os kunst- og kultursenter, har Hordaland fylkesutval vedteke. Fylkesutvalet lovar også at det skal vurderast ytterlegare tilskot når midlar for 2010 vert lyste ut.
22.05.2008 Stanley Hauge Les heile saka
Skal utvikla fire visingssenter for handverk og kulturprodukt – informasjonsmøte 27. mai
Kommunane i Hordaland vert inviterte til å vera med på å utvikla fire Economuseum/visingssenter i Hordaland. Hordaland fylkeskommune arrangerer informasjonsmøte 27. mai og fristen for å føreslå kandidatar er 16. juni.
15.05.2008 Stanley Hauge Les heile saka
Kultur- og ressursutvalet vil ha statlege midlar til Os kunst- og kultursenter
Hordaland fylkeskommune har prioritert Os kunst- og kultursenter på topp i den statlege tilskotsordninga «Tilskot til regionale møteplassar og formidlingsarenaer for kultur». - Målet vårt er å få 47 millionar kroner frå Kultur- og kyrkjedepartementet til dette prosjektet fordelt på åra 2009 - 2011, seier utvalsleiar Helge Andre Njåstad.
07.05.2008 Les heile saka
Kystkulturkonferansen stadig større og viktigare
Den sjette nasjonale kystkulturkonferansen opna måndag med ny deltakarrekord. Leiar Helge Andre Njåstad i Kultur- og ressursutvalet kunne ynskja 174 deltakarar velkomen til Bergen og Hordaland.
06.05.2008 Simon Sortland Les heile saka
Møte i Kultur- og ressursutvalet tysdag 6. og onsdag 7. mai 2008
Kultur- og ressursutvalet held møte tysdag 6. og onsdag 7. mai 2008 i Fylkeshuset, Fylkesutvalsalen rom 367 Hordaland. Musèa og ulike institusjonar og organisasjonar vil presentere seg. 8 saker skal handsamast, mellom anna tilskot til regionale møteplassar og formidlingsarenaer for kultur.
02.05.2008 Les heile saka
Pengedryss over Hordalandskulturen
Kultur- og ressursutvalet vedtok 15. april fordeling av fleire ulike tilskotsmidlar til kultur-, ungdoms- og vernetiltak til ein samla sum av over fire millionar kroner.
23.04.2008 Simon Sortland Les heile saka
«Chillegrunn» – gullsekkfinalist frå Hordaland
Utstillinga Chillegrunn, som er utvikla og produsert av Hordaland fylkeskommune for Den kulturell skulesekken, er ein av fire nominerte til å få Gullsekken i klassen for beste produksjon. Gullsekken er «Den kulturelle skulesekken sin eigen pris» som vert utdelt av Kultur- og kyrkjedepartementet og Norsk Tipping.
18.04.2008 Stanley Hauge Les heile saka
Møte i Kultur- og ressursutvalet tysdag 15. april 2008
Kultur- og ressursutvalet har møte tysdag 15. april 2008 kl.11.00 i Fylkeshuset, Agnes Mowinckels gate 5, Bergen. 16 saker skal handsamast, mellom anna fordeling av ulike fylkeskommunale tilskot til innan kultursektoren.
14.04.2008 Les heile saka
EU prosjekt opnar nye satsingsområde for handverksbedrifter i Hordaland
Hordaland fylkeskommune i samarbeid med Canada, Færøyane, Nord Irland, Irland og Island lanserte 10. april EU-prosjektet Economusee - Northern Europe. Prosjektet tek sikte på å utvikla handverkbedrifter i desse regionane etter Economusee-modellen frå Quebec i Canada der lanseringa fann stad.
11.04.2008 Les heile saka
Nasjonal konferanse om kystkultur i Hordaland 5.-7. mai
For sjette år på rad vert det skipa til ein nasjonal kystkulturkonferanse i Noreg. Hordaland fylkeskommune, i lag med Bergen kommune, er medarrangørar av konferansen i år, og konferansestad vert hotell Admiral i Bergen.
27.03.2008 Les heile saka
Fylkesmusikarar turnerer «I same båt»
Fylkesmusikarane i Hordaland og Sogn og Fjordane presenterer i år tre program i samarbeidet «I same båt». I løpet av tre veker frå 31. mars turnerer dei Sunnhordland på tokt med hardangerjakta S/J Mathilde.
19.03.2008 Stanley Hauge Les heile saka
Bokbåten Epos klar med vårturen 2008
Bokbåten Epos er klar med vårturen i Hordaland, like over påske, frå 26. mars til 14. april. Lasta med bøker, lydbøker og kulturprogram kjem båten til kai 50 stader i 21 kommunar i fylket.
19.03.2008 Stanley Hauge Les heile saka
«Sjekk det håret» – utstillingsopning på Osterøy museum 12. mars
Den mangfaldige vandreutstillinga «Sjekk det håret» er eitt av Hordaland fylkeskommune sine bidrag i Mangfaldsåret 2008. Utstillinga vert opna på Osterøy museum onsdag 12. mars kl 12.30 av fylkesordførar Torill Selsvold Nyborg.
07.03.2008 Les heile saka
100 000 kroner til Odda sitt 100-årsjubileum
Fleirtalet i kultur- og ressursutvalet vedtok å støtta 100-årsjubileumsfeiringa i Odda med 100.000 kroner som ein del av fylkeskommunen sitt engasjement i kommunen gjennom fleire år.
06.03.2008 Simon Sortland Les heile saka
Nytt studie i tekstilkultur ved Vestnorsk kulturakademi
Ved Vestnorsk kulturakademi (VKA) på Voss er det starta eit nytt studietilbod i tekstilkultur. Fylkeskultursjef Ingebjørg Astrup stod for den offisielle opninga 30. januar 2008. Les heile saka
Ynskjer direkte styrerepresentasjon i Den nye opera
Fylkesutvalet krev at deira føresetnader vert oppfylt for å godkjenne Den Nye Opera (DNO) som regionsopera, og oppmodar DNO om å endra vedtektene slik at fylkeskommunen vert gjeven direkte representasjon i styret. Dette var hovudpunkta i fylkesutvalet si samrøystes innstilling til fylkestinget.
14.02.2008 Simon Sortland Les heile saka
Mangfaldsåret feira på Årstad
Tanzania stod i fokus då Årstad videregående skole markerte mangfaldsåret. For ein stappande full sal presenterte Abuu (17) landet han reiste frå som niåring, i tillegg til mat, dans, trommer og musikk.
14.02.2008 Bjarte Brask Eriksen Les heile saka
250 000 kr til regionshistorie for Hardanger
Hordaland fylkeskommune sitt kultur- og ressursutval vedtok 5. februar å gje 250 000 kr i tilskot for 2008 til regionshistorieprosjektet for Hardanger.
06.02.2008 Stanley Hauge Les heile saka
Kultur- og ressursutvalet – møte 4. og 5. februar 2008
Kultur- og ressursutvalet i Hordaland har møte i Bergen 4. og 5. februar. Utvalet skal måndag ha synfaringar ved ei rekkje institusjonar i Bergen. Møtet vert tysdag 5. februar i Fylkeshuset, Agnes Mowinckels gate, med start kl. 11.00.
01.02.2008 Stanley Hauge Les heile saka
Stønad til kulturføremål i 2008
Hordaland fylkeskommune vil i 2008 gje stønad til ålmenne kulturføremål og til særleg tiltak for born og unge. Søknadsfristane for begge desse tilskotsordningane er 1. mars og 15. september.
30.01.2008 Stanley Hauge Les heile saka
Driftsstønad til barne- og ungdomsorganisasjonar 2008
Hordaland fylkeskommune skal for 2008 fordela 1 433 000 kr i driftsstønad til barne- og ungdomsorganisasjonar på fylkesplanet. Søknadsfristen er 1. mars.
30.01.2008 Stanley Hauge Les heile saka
Tilskot til innvandrarorganisasjonar og frivillig verksemd i lokalsamfunnet
1. mars er søknadsfristen for å søkja tilskot til drift av lokale innvandrarorganisasjonar i Hordaland. Det same gjeld søknader om tilskot til aktivitetar som medverkar til fleirkulturelt mangfald, dialog og samhandling i lokalsamfunn.
30.01.2008 Stanley Hauge Les heile saka
Fylkestilskot til Vest Norges Opera
Hordaland fylkesutval har løyvd 500 000 i driftstilskot for Vest Norges Opera.
24.01.2008 Stanley Hauge Les heile saka
Fordelte 11,2 millioner kulturkroner
Kultur- og ressursutvalet fordelte i møte 15. januar totalt 11 242 000 kroner frå ulike samlepostar i 2008-budsjettet. Vidare får Hordaland Barne og Ungdoms Råd fullmakt til å handsama og fordela tilskot på 1 592 000 kroner til fylkesfemnande barne- og ungdomsorganisasjonar for 2008.
Les heile saka
Fornya kulturkort for ungdom i Hordaland
Etter eitt års prøveperiode vidarefører Hordaland fylkeskommune kulturkortet for ungdom. Nye kort og brosjyrar er på veg ut til ungdom via dei vidaregåande skulane i fylket. Ein viktig del av kulturkortordninga er større satsing på å engasjera ungdom via nettsida. Med ny design vert http://kulturkort.ivest.no aktivert fredag 18. januar kl. 12.
17.01.2008 Tone Stedal Haugland/Stanley Hauge Les heile saka
I 1908 vart to gutungar fødde,...
...no er dei begge longe døde, den eine blei heitande Olav og han hin Geirr. Begge gutane var hardingar. Slik opnar Jon Fosse innleiinga i programheftet Staseleg kveld for Olav og Geirr til opninga av Hauge-Tveitt jubileet 2008 den 10. januar i Drammens Teater. Les heile saka
God oppslutnad om Kabuso i 2006-07
Kunsthuset Kabuso i Øystese har hatt god oppslutnad dei to første driftsåra. Om lag 26 500 personar har vitja Hordaland fylkeskommune sin tusenårsstad sidan opninga på nyåret i 2006. Avtroppande fagleg leiar Knut Markhus kan sjå tilbake på to interessante og vellukka år når han no tek til som styrar ved Hardanger folkemuseum og Agatunet.
04.01.2008 Tekst: Stanley Hauge/Oddvar Soldal Les heile saka
Bokbåten held fram, 1 mill. kr meir til skulebibliotek
Bokbåten vert oppretthalden og løyvinga til skulebibliotek vert auka med 1 mill. kr. Dette har Hordaland fylkesting vedteke i budsjettet for 2008 etter forslag frå Høgre, Kristeleg folkeparti og Fremskrittspartiet.
11.12.2007 Tekst og foto: Stanley Hauge Les heile saka
Kulturpris til Manger folkehøgskule
Manger folkehøgskule fekk laurdag Radøy kommune sin kulturpris. Radøy-ordførar Jon Askeland stod for overrekkinga under feiringa av 130-årsjubileet til skulen laurdag 24. november.
26.11.2007 Stanley Hauge Les heile saka
Lanserte verkty for vidare vekst
Ei storstilt lansering av rapporten ”Lidenskap og levevei” på USF Sardinen torsdag stadfesta at både offentlege og private aktørar har fått eit nyttig verkty for å skapa vidare vekst innan kulturnæringane. Fylkesvaraordførar Tom-Christer Nilsen utfordra i sin opningstale korleis kan vi bli betre, og kva kan kvar og ein av oss bidra med i så måte.
20.11.2007 Tekst og foto: Simon Sortland Les heile saka
Fargerik musikkreise til Guatemala
Fylkesmusikarane Reidun Horvei, Frank Henrik Rolland og Einar Mjølsnes deltok i venskapsprosjektet Stord-Comalapa sitt musikkutvekslingsprogram 29. september til 14. oktober i år. Kvedaren Reidun Horvei er full av inntrykk og lovord om både reisa, innhaldet og samarbeidet med Stord kommune.
15.11.2007 Simon Sortland Les heile saka
Foredrag - Kulturkonferansen 2007
Les meir her
Eit annleis møte med Afrika
Heftige afrikanske rytmar og dans lokka elevane ved Kyrkjekrinsen skole til å la seg riva med i ein musikalsk safari til Afrika. Blant fleire høgdepunkt under konserten Msafiri var dei kenyanske artistane si framføring av Ravi-låta ”Dødssøt”.
Tekst og foto: Simon Sortland Les heile saka
Premiere for Den kulturelle skolesekken i vidaregåande
Pilotprosjektet med Den kulturelle skolesekken (DKS) for vidaregåande skular er i gang. Onsdag 24. oktober var premieren med Pedro Carmona-Alvarez si framsyning «Om å si sannheten når alle tror du ljuger som en galning». Det skjedde på Bergen katedralskole.
30.10.2007 Tekst og foto: Stanley Hauge Les heile saka
Lansering av Den kulturelle skolesekken i vidaregåande skular i Hordaland
Vil du oppleva ein smakebit av forfattar og musikar Pedro Carmona-Alvarez si nye framsyning for elevar i vidaregåande skule: ”Om å si sannheten når alle tror du ljuger som en galning”? Framsyninga har premiere denne veka på Bergen Katedralskole og Langhaugen vidaregåande skole. Dette DKS tilbodet får følgje av eit omfattande kortfilmprosjekt i januar: Cannes-vinnaren ”Sniffer”, av Bobbie Peers, er på vei inn i den vidaregåande skulen. Sniffer får følgje av fem andre kortfilmar og filmskaparane deira. Les heile saka
Saman for kulturarv og verdiskaping
Fylkesordførar Torill Selsvold Nyborg opna andre dag av konferansen Kulturarv og verdiskaping, eit samarbeid mellom Bergen kommune, ICOMOS Norge og Hordaland fylkeskommune. Ho peika mellom anna på at mangfaldet av kulturminne og kulturmiljø skal forvaltast og takast vare på som bruksressursar, og som grunnlag for kunnskap, oppleving og verdiskaping.
24.10.2007 Simon Sortland Les heile saka
Kulturarbeidarpris til «Fargespill»
Hordaland fylkeskommune sin kulturarbeidarpris for 2007 er tildelt tre kandidatar. Hovudprisen på kr 30 000 er tildelt «Fargespill» ved Ole Hamre, Sissel Saue og Hilde Sol Erdal. To prisar på kr 10 000 kvar er tildelte: Kjetil Hauge og Smedholmen Kyst- og Naturlivskule ved Terje Skorpen og Einar Matre.
16.10.2007 Stanley Hauge Les heile saka
Fylkesutvalet fremjar motsegn til reguleringsplan for Smelteverkstomta
Fylkesutvalet i Hordaland fremjar motsegn til Odda kommune sin reguleringsplan for Smelteverkstomta grunna konflikt med nasjonale kulturminneinteresser. Vedtaket er gjort med 11 (Ap, KrF, Sp, SV, V, 1 H) mot 4 røyster (1 H, 3 Frp).
20.09.2007 Stanley Hauge Les heile saka
Stor interesse for kulturminnetema
Kulturminne er eit viktig tema i planlegginga og fylkeskommunen har eit særleg ansvar i høve til plan- og bygningslova og kulturminnelova. Stort oppmøte på samlinga i plannettverket 13. september tyder på at det er stor interesse i kommunane for å gjere seg kjent med kunnskapskjeldene på dette feltet.
Les meir her
Museumsseier i Salhus
Museumssenteret i Salhus er kåra til Årets Museum for 2007.
12.09.2007 Les heile saka
Bergen Matfestival 2007
7. – 9. september vert det stor matfestival på Bryggen i Bergen. Her finn du Bønder i Byd’n, Sjømat for alle og tørrfiskfestivalen Stoccafisso samla på eitt serveringsfat. I år vert eit prøveår for å sjå korleis ein kan utvikla eit slik samarbeid meir permanent. Det er Hordaland fylkeskommune som saman med byen Genova, Bergen kommune og Nordland fylkeskommune står bak Bergen internasjonale Stoccafissofestival 2007. Festivalen er eit regionalpolitisk samarbeid mellom historisk produksjonsstad i Nord-Noreg, marknadsplassen Bergen og vår viktigaste konsumentnasjon for norsk tørrfisk gjennom meir enn 1000 år, Italia.
Les meir om festivalen her
Stilfull Kabuso-park offisielt opna
Måndag vart parken ved Tusenårsstaden Kabuso i Hordaland offisielt opna av fylkesordførar Torill Selsvold Nyborg og Kvam-ordførar Astrid Farestveit Selsvold.
05.09.2007 Simon Sortland Les heile saka
Sårt trengte jubileumspengar
Kreftene bak Hauge-Tveitt jubileet 2008 kan puste letta ut. Etter å ha planlagt feiring på lågbudsjett fekk dei i går 1,5 millionar kroner ekstra frå regjeringa. Les saka på NRK Hordaland.
30.08.2007 Les heile saka
Fest for nyopning av Storesund-slippen
Fylkesordførar Torill Selsvold Nyborg deltok sundag på Kystsogevekearrangementet i Storesund for å feire opninga av den nye slippen. Under følgjer opningstalen for ”Slippen på Storesund”.
28.08.2007 Les heile saka
Skjellettfunnet i Skottahola datert til eldre jernalder
Skjelletta som er funne i Skottahola i Kilen i Fusa er frå eldre jernalder. Vi har å gjere med minst fem ulike vaksne individ. Dateringar som er gjort viser at dei levde for 1900 til 1500 år sidan.
15.07.2007 Tekst: Arkeolog Kjersti Vevatne, kultur- og idrettsavdelinga. Les heile saka
3,5 millionar kroner til Museumssenteret i Salhus
Kultur- og kyrkjedepartementet har innvilga 3,5 millionar kroner i investeringstilskot til andre byggjesteget av fellesmagasin for musea i Hordaland i 2008.
13.07.2007 Simon Sortland Les heile saka
Utvidar ordninga kulturkort for ungdom
Prøveordninga kulturkort for ungdom er monaleg styrka for 2007 for å innlemma nye fylkeskommunar. Hordaland fylkeskommune er tildelt 200.000 kroner frå Kultur- og kyrkjedepartementet for å styrka og vidareutvikla prøveordninga fylket starta opp 10. januar i år.
13.07.2007 Simon Sortland Les heile saka
Spelemidlar til anlegg for idrett og friluftsliv 2007 - tildelinga er no klar!
Kultur- og ressursutvalet i Hordaland fylkeskommune har no vedteke fordeling av spelemidlane for 2007. Til ordinære idrettsanlegg i Hordaland vert det fordelt kr 56 297 000 og til bygging av nærmiljøanlegg er det fordelt kr 8 033 000. Link til vedtaket i kultur- og ressursutvalet finn du her.
125.000 kroner i Kunstnarstipend
Kultur- og ressursutvalet delte tysdag 5. juni ut Hordaland fylkeskommune sitt Kunstnarstipend 2007. Kvart stipend er på 25.000 kroner og gjekk i år til keramiker Heidi Bjørgan, biletkunstnarane Trudi Jaeger og Kjersti Sundland, musikar Åse Teigland og komponist Torstein Aagard-Nilsen.
07.06.2007 Simon Sortland Les heile saka
Stor glede for tilrådinga om å få Tyssedal og Odda på UNESCO si verdsarvliste
Det var med stor glede me mottok meldinga om at Riksantikvaren tilrår å søkja om å få Tyssedal, Odda og Rjukan på UNESCO si verdsarvliste for kulturminne. Målet er å få bygd opp eit nasjonalt kompetansesenter for restaurering av industrielle bygg. Det gler oss at miljøvernministeren synest dette er ein god ide som ho støttar opp om, seier fylkesordførar Torill Selsvold Nyborg i brev til Miljøverndepartementet.
30.05.2007 Simon Sortland og Stanley Hauge Les heile saka
Kulturarbeidarpris 2007
Hordaland fylkeskommune delar i 2007 ut ein til tre kulturarbeidarprisar til enkeltpersonar, grupper, lag eller organisasjonar som har utmerkt seg med eit kulturarbeid som har eller har hatt mykje å seie for kulturlivet i Hordaland. Dersom prisen vert delt på tre kandidatar skal det vera ein hovudpris på 30 000 kronar, og to mindre prisar på 10 000 kronar kvar. Det står alle fritt å føreslå kandidatar til kulturarbeidarprisen. Forslaget skal vera grunngjeve. Les meir
Stormønstring i Kultur- og ressursutvalet
Tysdag og onsdag i neste veke vil politikarane i kultur-og ressursutvalet få møta representantar frå dei ni konsoliderte musea og femten andre institusjonar i fylket som dei løyver over 200.000 kroner i årlege tilskot.
03.05.2007 Simon Sortland Les heile saka
Hordaland blir kulturell pilot-fylkeskommune
Hordaland og seks andre fylkeskommunar i landet er blitt med i eit pilotprosjekt om utvida kulturell skulesekk. I seks år har den kulturelle skulesekken vore eit tilbod til grunnskulane. Frå hausten skal og elevar i den vidaregåande skulen i Hordaland få tilbod om kulturell skulesekk.
02.05.2007 Les heile saka
Pengedryss over kulturen
Kultur- og ressursutvalet vedtok samrøystes å overrisla kulturlivet i Hordaland med over fire millionar kroner på sitt møte tysdag 17. april.
19.04.2007 Simon Sortland Les heile saka
Afrikansk fyrverkeri på konsertturné i Hordaland
Fire kenyanarar og ein nordmann presenterer eit afrikansk fyrverkeri av ein konsertturné i Hordaland. Sidan 12. mars har dei reist rundt på barne- og ungdomsskular og fått kjemperespons. 28. mars blir det konsert på Sandnes og Matre skular i Masfjorden og 29. mars blir turneen avslutta på Alversund skule og Radøy ungdomsskule.
27.03.2007 Les heile saka
Bokbåten Epos sin vårtur 2007
Bokbåten Epos er på tur i Hordaland frå 24. til 31. mars og frå 11. til 22. april. Lasta med bøker, lydbøker og kulturprogram kjem båten til kai 52 stader i 21 kommunar i fylket.
23.03.2007 Stanley Hauge Les heile saka
Kvam i finalen som Norges kulturkommune
Kvam herad, og tre andre kommunar i landet, er av den nasjonale juryen nominert til finalen som ”Norges kulturkommune 2007”. Vinnaren blir kåra av kommunalminister Åslaug Haga, på Stortinget fredag 23. mars.
20.03.2007 Les heile saka
682.000 kroner til Lokal agenda 21
Kultur- og ressursutvalet vedtok samrøystes handlingsprogrammet for Lokal Agenda 21 for 2007 med ei budsjettramme på 682.000 kroner.
08.03.2007 Simon Sortland Les heile saka
Avtalesemje for Oselvarverkstaden
Kultur- og ressursutvalet godkjende samrøystes at det vert inngått avtale mellom Os kommune og Hordaland fylkeskommune når det gjeld framtidig fastsetting av tilhøvet mellom kommunale og fylkeskommunale driftstilskot.
08.03.2007 Les heile saka
Deltek på matfestival i Wales
Kultur- og ressursutvalet har sansen for The Celtic Food & Drink Festival i Hordaland fylkeskommune sin samarbeidsregion Cardiff i Wales. Dei løyvde samrøystes inntil 45.000 kroner som er ein tredel av kostnadane for dei fem representantane frå Hordaland.
08.03.2007 Les heile saka
Støttar minnekonsert for Kleppevik
Kultur- og ressursutvalet er samstemte med formannskapet i Sund kommune om å få i stand ein minnekonsert for Johannes Kleppevik i Grieghallen den 6. oktober i år.
08.03.2007 Les heile saka
Riksantikvaren vil verna kystlandskap knytt til unik kvalfangsthistorie
Riksantikvaren går mot planane for utviding av industriområdet på Skaganeset i Sund kommune i Hordaland.
27.02.2007 Stanley Hauge Les heile saka
Ekstraløyving til Fortidsminneforeningen
Kultur- og ressursutvalet vedtok 50.000 kroner i tilleggsløyving til drift av Fortidsminneforeningen, Bergen og Hordaland avdeling. Foreininga søkte om 124.000 kroner.
08.02.2007 Simon Sortland Les heile saka
330.000 kroner til kulturtiltak
Kultur- og ressursutvalet vedtok tysdag samrøystes å gi 220.000 kroner i tilskot til særlege tiltaka for born og unge.
08.02.2007 Simon Sortland Les heile saka
70.000 kroner til felemakarlærling
Kultur- og ressursutvalet gjekk samrøystes inn for å gje eit årstilskot for 2007 på 70.000 kroner til Ole Bull Akademiet. Midlane er øyremerka felemakarlærling. Ole Bull Akademiet søkte om 60.000 kroner per semester til studium i felebygging.
08.02.2007 Simon Sortland Les heile saka
Hordalands-ja til kulturlov
Hordaland fylkeskommune stiller seg positiv til utkastet til ei generell kulturlov som gjev rom for folkevald sjølvstyre og fleksibilitet i høve til kulturlivet, men som samstundes understrekar offentlege styresmakter sitt ansvar på kulturfeltet, seier Hordaland fylkesutval i høyringsfråsegna si til lovutkastet.
Hordaland fylkesutval meiner at lova bør fokusera på både kunst og kulturomgrepa, gjennom å nytta uttrykket «kunst- og kulturverksemd». Dei fylkeskommunale og kommunale ansvarsområda bør omtalast i to ulike paragrafar. Vidare bør det gjennomførast ei sterkare drøfting og avklåring av idretten sin plass i lova.
Hordaland fylkeskommune er samd i at ei grunnlovsfesting vil kunna medverka til å sikra handlingsrom for ein nasjonal kulturpolitikk, og fylkesutvalet ber regjeringa utgreia dette nærare.
26.01.2007
Felles nettstad for bokbåten i Vestlandsfylka
Vestlandet sitt flytande bibliotek kan no også besøkjast på nett.
Her kan ein følgje bokbåten på tur langs Vestlandskysten gjennom kart, bilete og anna informasjon.
23.01.2007 Les heile saka
Bevaringstenestene opna i Salhus
Forsvarsminister Anne-Grete Strøm-Erichsen stod for den offisielle opninga av Bevaringstenestene for musea i Hordaland i Salhus måndag 15. januar. Opninga av lokala her i Salhus er ein milepåle for vedlikehald og konservering av den felles kulturarven vår, sa forsvarsministeren ved opninga. 16.01.2007 Tekst og foto. Stanley Hauge Les heile saka
Desentralisert ordning for tilskot til kulturhus
Ved handsaminga av St. meld. Nr. 48 (2002-2003) ble det vedtatt ei ny ordning for tilskot. Det vart bestemt at fylkeskommunen skal forvalte om lag 40% av spillemiddeloverskotet og delegere midlane til kulturhus. 18.01.2007 Les heile saka
Kulturkort for ungdom i Hordaland!
Hordaland fylkeskommune startar no ei prøveordning med kulturkort for ungdom i Hordaland! Hovudmålet med kulturkortet er at ungdom i alderen 16 – 19 år skal få kjennskap til eit breitt kulturtilbod, og nytta seg av andre tilbod enn dei tilboda dei i hovudsak allereie nyttar. Kortet skal såleis vera ein døropnar inn i kulturinstitusjonane og kulturlivet i fylket! Som eit starttiltak vil sjølve kortet vera gratis i 2007!
10.01.2007 Charlotte Espeland og Stanley Hauge Les heile saka
Kulturkortet – eit sertifikat til glede!
Kulturkortet som vi lanserer i dag er starten på eit tilbod som vil verta gradvis utvida. Kortet de får er eit sertifikat, eit kulturkort – eit kultursertifikat, der kunsten og kulturen vil gje dykk glede, vera utviklande og gje mange opplevingar, langt meir enn berre det underhaldningsmessige, sa leiar i kultur- og ressursutvalet, Georg Indrevik, ved lanseringa på Bergen maritime videregående skole 10. januar.
10.01.2007 Tekst og foto: Stanley Hauge Les heile saka
Først i landet med felles bevaringsteneste
Måndag 15. januar opnar Bevaringstenestene ved Museumssenteret i Salhus. Der skal gjenstandar frå alle musea i Hordaland konserverast, slik at dei kan takast vare på for ettertida. Dette er eit pilotprosjekt, det første i sitt slag i landet.
08.01.2007 Bjarte Brask Eriksen Les heile saka
Olga Breivik tildelt fylkeskommunen sin kulturarbeidarpris
Hordaland fylkeskommune sitt nyoppretta kulturarbeidarstipend vart delt ut for første gong under fylkestinget 13. desember. Prisen på 50 000 kr kan etter statuttane delast i inntil tre kandidatar. Hovudprisen på kr 30 000 er tildelt Olga Breivik frå Fana. To prisar på kr 10 000 kvar er tildelte: John Bruntveit og Else Bruntveit på Huglo og Skånevik bluesfestival ved festivalsjef Alf Warloe Christophersen.
18.12.2006 Kristin Myren Les heile saka
Landemerke på plass i Edinburgh
Juletreet frå Hordaland er i førjulstida eit sentralt landemerke på «The Mound» midt i Edinburgh. Torsdag 23. november markerte starten på den årlege lys- og julefestivalen i Edinburgh.
27.11.2006 Ronny Skaar Les heile saka
På veg mot Kulturnett 2.0
16. – 17. oktober var Kulturnett Hordaland vertskap for ei samling med Kulturnettfamilien frå heile landet. Kulturnettfamilien femner i dag ti regionale kulturnett og Kulturnett.no - Kultur- og kyrkjedepartementet sin offisielle nettportal til norsk kulturliv.
25.10.2006 Lena Jensen Les meir om Kulturnett 2.0
Kvam herad kåra til kulturkommunen i Hordaland 2006
Under fylkeskulturkonferansen for Hordaland i Øystese 19.-20. oktober vart prisen som «årets kulturkommune» tildelt Kvam herad. Kvam vert dermed Hordaland sin kandidat til kåring av Noregs kulturkommune 2007.
20.10.2006 Stanley Hauge Les meir om årets kulturkommune
Hordaland fekk flest verdiskapingsprosjekt
Fire av dei sju nye pilotprosjekta miljøvernminister Helen Bjørnøy lanserte 17. oktober innan verdiskapings-programmet for kulturminne er i Hordaland eller har tilknyting til fylket. «Perler i Nordsjøløypa» og «Odda – industrisamfunn i omstilling» er reine hordalandsprosjekt, i tillegg er Hordaland involvert i «Norsk Tradisjonsfisk» og «Nærøyfjorden verdsarvpark».
18.10.2006 Stanley Hauge Les meir om verdiskapingsprosjekta
Fylkeskonferansen - idrett ogfriluftsliv 2006
10. og 11. november vart den årlege fylkeskonferansen innan idrett, fysisk aktivitet og friluftsliv arrangert. Konferansen hadde folkehelsearbeid som hovudtema, både under fagkonferansen og i hovudkonferansen. Deltakelsen var igjen god med 125 deltakarar i hovudkonferansen og over 250 deltakarar i dei ulike fagseksjonane fredag føremiddag.
Kulturarbeidarpris i Hordaland!
Kultur- og ressursutvalet har vedteke at Hordaland fylkeskommune årleg skal dele ut Kulturarbeidarpris til enkeltpersonar, grupper, lag eller organisasjonar som har utmerkt seg med eit kulturarbeid som har eller har hatt mykje å seie for kulturlivet i Hordaland. Kulturarbeidarprisen kan gå til inntil tre kandidatar. Kultur- og ressursutvalet kan og vedta å ikkje dele ut prisen i einskilde år. Prisen vert utdelt i Fylkestingets desembermøte.
Ny leiar tilsett for Prosjekt Bryggen
Hordaland fylkeskommune har tilsett Inger Marie Egenberg som ny leiar for Prosjekt Bryggen. Egenberg har doktorgrad frå Universitetet i Gøteborg (2003).
06.10.2006 Per Morten Ekerhovd Les meir om den nye leiaren for Prosjekt Bryggen
403 000 kroner til lag og organisasjonar
Fylkestinget vedtok 13. juni (sak 21/06) å fordela 500.000 kroner av overskotet frå 2005 til frivillege lag og organisasjonar. Kultur- og ressursutvalet delte på møtet 3. oktober ut 403.000 kroner av desse midlane. Dette har gjeve Hordaland fylkeskomune eit heilt unikt høve til å støtta det verdfulle arbeidet i frivilleg sektor.
05.10.2006 Eli Lothe Les meir om fordelinga av overskotet til frivillege lag og organisasjonar
Den kulturelle skolesekken i Hordaland er online!
Tysdag 12. september kl. 13.30 opnar nettortalen med festivitas i kantina. Nestleiar i Kultur- og ressurskomiteen Mette Nora Sætre og Utdanningsdirektør ved Fylkesmannen i Hordaland si Utdanningsavdeling, Kjellbjørg Lunde kastar glans over arrangementet. Etableringa av nettportalen har mykje å seie for informasjonsspreiing og regional samordning av den omfattande verksemda som den kulturelle skolesekken er. Nettportalen er skreddarsydd for å fremja partnarskapsmodellen som Den kulturelle skolesekken i Hordaland er tufta på: Her får kvar skule og kommune sitt eige andlet mot verda. Kommunar kan leggja eigne turnear og har tilgong på same basis-funksjonalitet som fylket.
www.dks-hordaland.no
63 millionar kroner til idrettsanlegg i Hordaland
Kultur- og ressursutvalet i Hordaland har vedteke å dele ut om lag 63 millionar kroner til idrettsanlegg i fylket. 29 millionar går til anlegg som tidlegare har fått stønad, 25 millionar til nye søkjarar og 8 millionar til nærmiljøanlegg.
Les meir om fordelinga til idrettsanlegg
Hauge-Tveitt jubileet 2008 AS er stifta
Onsdag 31. mai vart aksjeselskapet Hauge-Tveitt jubileet 2008 skipa i Bergen. Selskapet skal inspirera, leggja til rette for og planleggja eit breitt spekter av tiltak og arrangement som set fokus på kunstnarane Olav H. Hauge og Geirr Tveitt sitt skaparverk i samband med at det i 2008 er 100 år sidan dei vart fødde.
Les meir om Hage-Tveitt jubileet 2008 AS
www.ht08.no
Kunst- og kultursenteret KABUSO
Hordaland fylkeskommune sin tusenårsstad, kunst- og kultursenteret Kabuso i Øystese, vart offisielt opna laurdag 21. januar. Forsvarsminister Anne-Grete Strøm-Erichsen utførte den offisielle opninga under opningsførestillinga. Les meir om opninga av kunst- og kultursenteret KABUSO
Krigsminne frå Hordaland
Krigsminne frå Hordaland er eit samarbeid mellom Hordaland fylkeskommune/Kulturnett Hordaland og Høgskolen i Bergen/Mediesenteret. Denne nye nettstaden vart opna 09.01.06.
Les meir om nettstaden på Kulturnett Hordaland
Gå direkte til nettstaden "Krigsminne frå Hordaland"
Nytt Kulturnett Hordaland
Fredag 23. september vart det nye Kulturnett Hordaland opna.
Les meir om opninga av det nye Kulturnett Hordaland
Seminar for styremedlemmer
(musea), 13. juni 2006.
Innlegg. (pdf)
Forvaltningsplan for Verdskulturminnet Bryggen
Bryggen i Bergen er eitt av fem norske kulturminne som står på UNESCO si liste over verdas kultur og naturarv. Jamleg vert det gjennomført evalueringar av verdskulturminna. For å møte utfordringane i den siste evaluering av Bryggen, har Kultur- og idrettsavdelinga i samarbeid med dei andre forvaltningspartane arbeidd fram ein forvaltningsplan.
Les meir om forvaltningsplanen for Bryggen