Mangfaldsåret 2008

Året 2008 er markeringsår for kulturelt mangfald. Det overordna målet med Mangfaldsår 2008 er at frå og med 2008 og framover skal kulturlivet i Noreg i større grad enn i dag gjenspegle kulturelt mangfald.

For å få eit mangfaldig samfunns- og kulturliv må ingen ekskluderast frå deltaking – verken på grunn av kjønn, religiøs eller kulturell tilknyting, legning eller funksjonsnivå. I Stortingsmelding 17 som ligg i botnen for Mangfaldsåret 2008 er kulturelt mangfald spesielt vektlagd, og grupper som er nemnd her er urfolk, nasjonale minoritetar, innvandrarar og deira etterkommarar.

Nasjonal nettstad
Den nasjonale nettstaden for Mangfaldsåret 2008 finn de på www.kultureltmangfold.no Her er mellom anna informasjon om Mangfaldsåret og oversikt over aktivitetar.

Registrere aktivitet
Alle institusjonar og verksemder som har planar om mangfaldsprogram blir oppmoda om å registrere sin aktivitet på den nasjonale nettstaden. Her finn ein også informasjon om kva som kan reknast som eit mangfaldsprogram.

Mangfaldsprogram i Hordaland oppmodes også om å registreres i Kulturkalenderen for Kulturnett Hordaland.

Mangfaldige utøvarar
Tips til utøvarar kan du finne på Du store verden! sin artistdatabase som inneheldt profilar av verdsartistar; artistar innan kunstdisiplinar som har ei multikulturell tilknytning.

Støtteordningar
Hordaland fylkeskommune har ikkje ekstra midler til aktiviter i regionen i samband med Mangfaldsåret, men enkelte eksisternade støtteordningar innan kulturfeltet vil legge vekt på det mangfaldige perspektivet.

Norsk kulturråd har fått øyremerka midlar til kulturelt mangfold for 2008. Kulturrådet vil ved tildeling av prosjektmidlar vektlegge prosjektsøknader med ein mangfaldsdimensjon. Søknadane går direkte til Norsk kulturråd og behandlast innanfor Kulturrådets ordinære avsetningar, fristar og vurderings- og behandlingsprosedyrer.

Oså andre eksisternade nasjonale støtteordningar kan vere aktuell i denne samanhengen.

Kontaktpersonar
Kontaktpersonar for Mangfaldsåret 2008 i Hordaland er 
Elin Golten: tlf 55 23 93 73 / e-post elin.golten@post.hfk.no
Tone Stedal Haugland: tlf 55 23 91 92 / e-post Tone-Stedal.Haugland@post.hfk.no

Strategi for Mangfaldsåret i Hordaland
Hordaland fylkeskommune har utarbeidd eit strategidokument for sitt engasjement i høve Mangfaldsåret: Strategi for Mangfaldsåret 2008 i Hordaland (pdf)

Informasjonsfalder
Informasjonsfalder om Mangfaldsåret til bestilling eller nedlasting på bokmål, nynorsk, samisk og engelsk.