|
Konsertar
Fylkesmusikarane framfører folkemusikk frå Hordaland, men om ynskjeleg kan me òg framføra folkemusikk frå andre fylke. Me kan tilby kveldskonsertar, kortare og lengre innslag til dømes ved ulike jubileum, årsmøte og festivalar og representasjonar elles. Også samarbeidskonsertar med det lokale musikklivet er engasjement som er kjærkome.
De kan tinga heile gruppa, deler av gruppa eller einskildmusikar.
Kurs
Fylkesmusikarane i Hordaland er ofte engasjert for å ha kvedarkurs eller hardingfelekurs i særskilde folkemusikklag, folkemusikkarkiv eller for einskilde kommunar. Kursa kan leggjast opp etter ynskje. Både helge- og kurs over ein lengre periode kan tingast. I samband med kursa kan me òg tilby huskonsert eller offentleg konsert.
Folkemusikkveke
Kvart 3 år har Fylkesmusikarane Folkemusikkveke ved ein særskild kommune i Hordaland. Me samarbeidar då med musikklivet i kommunen. Lag og organisasjonar melder seg på ulike arrangement som til dømes: intimkonsertar, kyrkjekonsertar, festkonsert, opningskonsert, skulekonsertar og institusjonskonsertar, kulturkveld, folkemusikkkafè og folkemusikkpubar alt etter som det høver for den einskilde kommune. Her skal det vera rom for amatørar og profesjonelle side om side. Målet er og slå eit slag for folkemusikken i gamle og nye former. Pussa støv av dei gamle tonane og få den ut til folket på ny.
Me kan òg ha kvedar -og folkemusikkensemblekurs i førekant av veka.
Fylkesmusikarane har tidlegare hatt Folkesmusikkveker på desse stadane: Osterøy, Bergen, Fusa, Vaksdal og Stord.
|