Kr. 500.000,- frå fylkeskommunen
I løpet av ein treårsperiode skal det brukast 1,5 millionar på prosjektet i form av eigne midlar og dugnad, midlar frå sponsorar og konsulenttenester. Fylkeskommunen har løyva kr. 500.000,- til prosjektets første år frå Regionalt Utviklingsprogram. I reiselivssamanheng er KnarvikMila ein motor for regionen Nordhordland. Store idrettsarrangement er ein spennande kanal ut mot verda når det gjeld PR og marknadsføring, og det vert lagt ned ein stor innsats i å skape mogelegheiter for lokale og regionale aktørar. KnarvikMila er også ein del av Partnarskapen si LivOGLyst-satsing.
Internasjonale aktørar
KnarvikMila har vore arrangert i Nordhordland sidan 1983, og er i dag eitt av Norges eit av Norges største kultur- og idrettsarrangement. Det vekelange arrangementet inkluderer seminar, konferansar, arrangement for familien og internasjonale hjelpeprosjekt. I 2011 deltok ca. 15 000 på dei ulike
arrangementa, inkludert løpa. Deltakarane kom frå 4 kontinent og 27 ulike land, og inkluderte utøvarar i høgste verdsklasse, med mangedobbel olympisk meister Haile Gebrselassie i spissen.
Fjordane trekkjer mest
Det unike fjord-landskapet er eit av KnarvikMila sine største fortrinn når det gjeld å skape oppmerksomheit rundt arrangementet, og mange av deltakarane og tilskodarane ynskjer å nytte høvet til å oppleve regionen når dei først er her. Derfor skal KnarvikMila satse på reiseliv og produktutvikling, i samarbeid med andre lokale reiselivsaktørar i Nordhordland, Bergen Reiselivslag og Fjord Tours. KnarvikMila marknadsfører seg på 12 av dei store løpsmessene i Europa, med visuell profilering av regionen, natur og fjordar.
Sjå artikkel i avisa Nordhordland her. Dersom du vil ha meir informasjon om prosjektet, kan du lese prosjekttilsegna.
