KUP er eit verkemiddel for større satsingar i kulturlivet i Hordaland, og skal støtta nyskapande og målretta prosjekt initierte av kulturlivet sjølv. KUP er eit supplement til Hordaland fylkeskommune sin øvrige innsats på kulturområdet, og til annan offentleg eller privat økonomisk medverknad.
For 2012 har KUP 6,5 millionar kroner til rådvelde. Kultur- og ressursutvalet i Hordaland fylkeskommune er politisk avgjerdsorgan.
Programområde 2012 - 2013:
A: Kunstnarleg nyskaping
B: Samarbeid
C: Nyskapande formidling
D: Kompetanse
I tillegg skal det i programperioden også satsast på tiltak som styrkjer Hordaland sin identitet/kultur, herunder kystkulturen.
Søknadene skal gjelde 1-3-årige prosjekt, og vere innanfor virkefeltet kunst, kultur og kunnskapsutvikling. Søkjar sine primæraktivitetar skal vere lokalisert i Hordaland, og tiltaket må medverke til utvikling i Hordaland. Søkjaren må vere offentlege eller private organisasjonar eller institusjonar.
Det vert ikkje gjeve tilskot til ordinær drift og investeringar.
Søknadsfrist: 1. mars 2012
Signert søknad skal sendast til:
Kulturelt utviklingsprogram
Kultur- og idrettsavdelinga
Hordaland fylkeskommune
Pb 7900
5020 Bergen
Kopi sendast til kup@hfk.no
Registreringsskjema må vera utfylt innan 1. mars kl. 24.00. Signert søknad må vera postlagd seinast 1. mars.
Politisk handsaming
Forrige handsaming i kultur- og ressursutvalet var 31. mai 2011.
Rapporteringsskjema (word) (pdf)
Skjema for sluttrekneskap (word) (pdf)