Seksjon for kulturbasert verdiskaping har ansvaret for arbeidsoppgåver innan kulturbasert verdiskaping/næringsutvikling og kulturformidling. Vi skal setje kultur inn i samanhengar der verdiskaping og næringsutviklingstiltak er sentrale. For å fremje dette målet skal vi ta initiativ til og delta i samarbeid mellom kommunar, mellom Vestlandsfylka, nasjonalt samarbeid og internasjonalt samarbeid.
Utvikling av kystopplevingar
Eitt av satsingsområda våre er å utvikle rolla som rettleiar og deltakar i utvikling av kystopplevingar, det vil seie tiltak som medverkar til at kystkulturen vert opplevd som eit særleg gode for fastbuande og tilreisande.
Prosjektbaserte arbeidsoppgåver
Arbeidsoppgåvene til kulturbasert verdiskaping er prosjektbaserte. Type prosjekt varierer naturleg nok frå år til år, men nokre hovudtema er meir konstante. Utviklinga av gamle ferdsleårer og maritime kulturlandskap som attraksjonar for lokalbefolkning og reiseliv, under Nordsjøløype-merket, er tiltak som vert gjennomført både i Hordaland, så vel som rundt heile Nordsjøregionen.
Nordsjøløypa
Gjennom Nordsjøprogrammet the North Sea Trail har vi eit løypenettverk i Hordaland på om lag 180 km. Basert på EU-midlar har det vore tilrettelagt meir enn 5.500 km tur- og kulturløyper i Storbritannia, Danmark, Tyskland, Nederland, Sverige og Noreg. I Noreg er Møre og Romsdal, Sogn og Fjordane, Rogaland, Vest-Agder, Vestfold og Østfold med i Nordsjøløypa.
Nordsjøløypa i Hordaland.
Economuseum
Hordaland fylkeskommune er med i eit EU-finansiert samarbeid med Economuseum med sikte på etablering av visningssentra for handverksproduksjon i bedrift. Nokre av desse bedriftene kan vere matprodusentar. Ei knoppskyting av arbeidet med Nordsjøløypa er, Smak av Nordsjøløypa, tilbod retta mot reiselivsverksemder og produsentar av råvarer som ynskjer auka merksemd på lokal matkultur. Kulturbasert verdiskaping har teke initiativ til etableringa av eit Digitalt matkultursenter, som kan fungere som ein aktiv kunnskapsbase for både private verksemder og offentlege institusjonar.
Meir om Economuseum
Informasjon om kulturminne
Kulturbasert verdiskaping driv eit utstrekt informasjonsarbeid om kulturminne og kulturlandskap. Gjennom bøker, brosjyrar, informasjonstavler, fagrapporter og kulturminneskilting ynskjer vi å medverke til ei auka forståing av, og interesse for, vern av våre kulturminne. Kulturbasert verdiskaping har også kompetanse på visuell, digital kulturformidling.
Viktig rolle
I alt vi gjer, ynskjer vi å verte oppfatta som medhjelparar, pådrivarar og katalysatorar for berekraftig, kulturbasert næringsutvikling og verdiskaping i lokalsamfunna. Det har difor vore naturleg for Kulturbasert verdiskaping å ha ei rådgjevings- og sakshandsamarrolle i høve til
Riksantikvaren sitt verdiskapingsprogram der det i 2007 vart valt ut prosjekt fylkesvis, og der Hordaland hevda seg godt i konkurranse med andre fylke. To Hordalandsprosjekt vart valde ut, ”Oddaprosessen” og ”Perler i Nordsjøløypa”, i tillegg til at Hordaland er deltakar i to andre pilotprosjekt som får midlar frå Riksantikvaren.
Tilsette på seksjon for kulturbasert verdiskaping