E-mediene treng også formidling

"Er biblioteka budd på utlån av e-bøker?" var spørsmålet vi stilte. Eit svar er at mange har vore budd i lang tid og spør seg om dei skal kome i gong eller sitje på gjerdet så lenge forvaltning og teknologi ikkje er avklart og prøvd ut. Eit anna svar er at vi i alle høve må setje fokus på kva rolle biblioteka skal ta i åra som kjem.

Diskusjonane på seminaret dreia seg om at viktige oppgåver også framover vil vere formidling av det breie utvalet og leseglede, gode anbefalingar, hjelp til å finne fram og ta i bruk nye plattformer, å samarbeide og tenke nytt om samlingsutvikling, bokpraten og dei gode møta i både det fysiske og det digitale biblioteket.

Ørjan Persen, innkjøpsansvarleg ved Bergen Offentlige Bibliotek, vakte stor begeistring med sine konkrete tips til å heve litteraturformidlinga vår på nett. Dette er ein del av tema han har tatt føre seg i si mastergradsoppgåve i Bibliotek- og informasjonsvitenskap ved Høgskolen i Oslo. Bergen Offentlige Bibliotek låner også ut lesebrett til lånarane i biblioteket som eit prøveprosjekt, og Persen orienterte om deira erfaringar med dette. Her finn du presentasjonar frå seminaret: Korleis kan biblioteka handtere utlån av digitale media? Presentasjon av BS Weblån ved bibliotekfagleg direktør Kjartan Vevle, Bibliotektsentralen Nettbiblioteket. Eit interkommunalt samarbeid om innkjøp og utlån av e-bøker i Ryfylke Prosjektleiar og biblioteksjef i Forsand Nina Olaussen Formidling av biblioteket sine samlingar på nett. Prosjekt med utlån av lesebrett på Bergen Off. Bibliotek. Innkjøpsansvarleg Ørjan Persen, Bergen Off. Bibliotek Løypemelding frå det skrankelause biblioteket i Lindås. Litteraturformidling og bruk av iPad i møte med brukarane Biblioteksjef Marit Gro Berge, Lindås bibliotek.