Målet er at det skal bli enklare og raskare for biblioteka å låne frå kvarandre, og at samarbeidsregionane kan planlegge felles samlingar utan tanke på tungvint transport. Tretti av dei trettitre kommunane i Hordaland er med i den nye transportordninga.
Fylkesbiblioteket betaler halvparten av kostnadene, og vi vonar at fast pris på tenesta gjer det endå lettare for biblioteka å tilby brukarar innlån og retur av materiale.
Hordaland fylkeskommune har inngått avtale med BS Transport AS om frakt av bøker og anna material mellom biblioteka i fylket og ut av fylket. Underleverandøren til BS Transport er Tollpost Globe.
Alle biblioteka i fylket utanom Austevoll, Eidfjord og Modalen, er omfatta av avtalen som inneber fast pris på levering/henting av materiale per år.
Den nye transportordninga trer i kraft frå 3. oktober.
