I forordet til Plan for bibliotektenestene i Fusa kommune for 2011-2015 kan vi lese at noko av grunnen til at det har vore naudsynt å laga ein slik plan, er at Fusa kommune treng å avklare kva som skal skje med bokbussdrifta. Endringar i bokbussdrift får fort konsekvensar for tilbodet til skular og barnehagar. I Fusa har skulane nytta bokbussen som skulebibliotek. Tek ein bort bokbussen, må ein byggja opp gode skulebibliotek.
Bibliotekplanen er ein freistnad på å stake ut kursen for fagområdet bibliotek, og seie noko om korleis ein ønskjer å utvikle bibliotektenestene inn i framtida.