Fylkesbiblioteket har sidan 2007 hatt ordninga Distribuert mediekjøp, som skal ivareta folkebiblioteka sitt behov for meir spesialisert litteratur. Ordninga har fungert slik at folkebiblioteka etter søknad har fått tildelt ein sum, som dei fritt har fått disponere i samsvar med Retningslinjene for distribuert mediekjøp i Hordaland.
Fylkesbiblioteket har bestemt at vi avventer ei eventuell utlysning av Distribuert mediekjøp for 2012. Vi er i startgropa med eit prosjekt om e-bøker og andre e-media i biblioteka i Hordaland, og i prosjektet inngår ei vurdering av felles e-mediesamling for fylket.
Bergen Offentlege Bibliotek har gitt signal om at dei ikkje lenger vil kjøpe inn lokalhistorisk litteratur for områda utanfor Bergen. Dette, saman med restriksjonar i fjernlån som dei har innført, vil også vere med i vurderinga av korleis vi vil nytte midlane våre.