Samfunnsplanlegging og berekraftig verdiskaping
Hordaland er kjenneteikna av å skape verdiar. Verdiane skal skapast innan berekraftige rammer. Det er ei utfordring å fortsette økonomisk vekst og samstundes ta vare på natur- og miljøverdiar. Årets konferanse legg særleg vekt på berekraftig verdiskaping.
Planstrategi
Kommunal og regional planstrategi er eit nytt planverktøy som vi no skal ta i bruk. Strategisk drøfting av planbehov knytt til samfunnsutvikling, langsiktig arealbruk og miljøutfordringar høyrer heime i ein planstrategi.
Nasjonale forventningar - lokale utfordringar
Kommunar og fylkeskommunar vert i sterkare grad enn før utfordra til ei meir heilskapeleg samfunnsutvikling og tilrettelegging for regional utvikling. Samstundes stiller staten på si side klåre forventningar til planarbeidet. God politisk forankring av planarbeidet er difor viktig for å lukkast. Konferansen vil bidra til å gje nye folkevalde verdifullt innsyn i plansystemets verkemåte.
Rikhaldig program - også med skråblikk
Innleiarane kjem frå forskarmiljø, forvaltning, kommunar og næringsorganisasjonar. Første dagen er det fokus på nasjonale forventningar og planstrategi, kunnskap og forsking om samfunnsutvikling og attraktivitet og kommunen som samfunnsutviklar. Forfattar Frode Grytten kjem med skråblikk på samfunnsplanlegging.
Andre dagen er felles tema samfunnsplanlegging - frå visjon til lokal verdiskaping , samt tre sesjonar med tema næringsplanlegging, samfunnsdel til kommuneplanen og næringsareal på sjø og land.
Konferansen er eit samarbeid mellom Hordaland fylkeskommune og Fylkesmannen i Hordaland.
Set av dagane!
Påmeldingsfrist 25. oktober
Program og påmeldingskjema kan lastast ned frå www.hordaland.no/plan/kurs-og-konferansar
NB! Elektronisk påmelding avslutta 28.10. kl. 12.30. Ta eventuelt kontakt med Synnøve Fjeldberg, tlf. 55 23 92 82, e-post synnove.fjeldberg@post.hfk.no