Hordaland er eit svært rasutsett fylke og bør få 20 % av den statlege potten til rassikring av fylkesvegar i perioden 2010-13, meiner fylkestinget. For 2010 vil det seia 100 mill. kr.
Haukanesberget
Fylkestinget har prioritert Haukanesberget mellom Kvanndal og Granvin på topp på prioriteringslista for rassikringstiltak. Kostnaden for prosjektet er stipulert til 195 mill. kr 2010-kroner.
Løysinga som vert tilrådd er ein tunnel på om lag 1200 m pluss portalar. I tillegg må vegen leggjast om eller utvidast over ei strekning på ca. 400 m på kvar side av tunnelen.
Sterkare satsing
For 2010 er det i statsbudsjettet føreslege løyvd 500 mill. kr til rassikring av fylkesvegar. Hordaland fylkesting meiner Regjeringa i framtidige statsbudsjett må følgja opp satsinga i Nasjonal Transportplan med 1 milliard kroner kvart år til rassikring.
Pioriterte rassikringstiltak
Fylkestinget sitt forslag til rassikringstiltak i prioritert rekkjefølgje:
1 Rv 7 Haukanesberget (Granvin) 195 mill. kr
2 Fv 344 Trefallstrand nedre del (Vaksdal) 11 mill. kr
3 Fv 300 Bekken i Ryggenes (Ulvik) 3 mill. kr
4 Rv 7 Bruravik ferjekai (Ulvik) 4 mill. kr
5 Rv 7 Veravika øst (Granvin) 2 mill. kr
6 Rv 572 Eddagjelet (Ulvik) 26 mill. kr
7 Rv 572 Eddagjelet sør (Ulvik) 20 mill. kr
8 Rv 572 Torgilsberget (Ulvik) 10 mill. kr
9 Rv 7 Kattadalen (Granvin) 15 mill. kr
10 Rv 7 Lussandberget (Granvin) 60 mill. kr
11 Div mindre rastiltak 12 mill. kr
Summert er kostnaden med dei prioriterte prosjekta er 458 mill. kr.