- Det er gledeleg for Hordaland fylkeskommune at så mange kan inviterast til å levere tilbod på drift av Bybanen, seier fylkesordførar Torill Selsvold Nyborg.
Hordaland fylkeskommune har motteke søknader frå fem operatørselskap som ønskjer å inngå kontrakt med Skyss om drift av Bybanen i Bergen.
Skyss har fastsett krava for å sikre at dei operatørane som får høve til å delta i konkurransen har naudsynte føresetnader for å kunne oppfylle kontrakten. Skyss har kome til at samtlege fem søkjarar oppfyller kvalifikasjonskrava som er: krav til juridisk stilling, økonomisk/finansiell kapasitet og tekniske/faglege kvalifikasjonar.
Følgjande operatørselskap vil dermed bli invitert til å levere tilbod:
* Fjord1 Partner AS (u.s.)
* NSB AS
* Oslo Sporvognsdrift AS
* Tide Buss AS
* Veolia Transport Norge AS
Fristen for innlevering av tilbod er sett til 5. desember 2008. Vinnaren skal vere klar 1. april 2009.
Kontaktperson: Fylkesordførar Torill Selsvold Nyborg – dir.) 55 23 90 11 / mob.) 915 22 733