Blant sakene er Jondalstunnelen - grunnlag for anbodstildeling, søknad om forskottering til rassikring og opprusting av parsell på Fv 125, investeringstiltak på fylkesvegnettet i 2008 og høyringsutale om forslag til klassifisering av øvrige riksvegar ved gjennomføringa av forvaltningsreforma.
TYSDAG 14. OKTOBER:
11.00 – 13.00 Opning - Talar – Saksbehandling
13.00 – 14.00 Lunsj
14.00 – 15.00 Saksbehandling
15.15 – 15.30 Kaffipause
15.30 – 17.00 Saksbehandling
17.00 Møte i valnemnda
17.15 Ekstra møte i fylkesutvalet
ONSDAG 15. OKTOBER:
09.00 – 09.30 Ekstra møte i kultur- og ressursutvalet
Svar på interpellasjonar/innkomne spørsmål
Saksbehandling
09.30 – 11.30 Temaøkt – Klimaplanen
- Plenum
- Idedugnad i dei politiske utvala
- Rapportering i plenum
11.30 – 12.00 Kaffipause/utsjekking frå rom
12.00 – 12.30 Utdeling av Miljøprisen 2007
Utdeling av Kulturarbeiderprisen 2008
12.30 – 13.30 Lunsj
13.30 Saksbehandling til tinget kan avsluttast
SAKSLISTE
- Meldingar til møtet
Saksnr. Sakstittel:
41/08 Kvinnherad vidaregåande skule - Forprosjekt
42/08 Mål og strategiplan med handlingsplan for fag- og yrkesopplæringa i Hordaland 2008 - 2011
43/08 Forvaltningsrevisjonsrapport - Tilpassa opplæring, læringsmiljø og fråværsføring i vidaregåande skular i Hordaland
44/08 Tertialrapport pr. 31. august 2008 - rekneskapsprognose
45/08 Jondalstunnelen - grunnlag for anbodstildeling
46/08 Søknad frå Fusa kommune og Frank Mohn AS om forskottering til rassikring og opprusting av parsell på Fv 125
47/08 Vossapakken - garanti for lån
48/08 Prioritering av mindre investeringstiltak på fylkesvegnettet i 2008 og vidareføring dei komande åra
49/08 Revisjon av museumsplan for Hordaland
50/08 Lov om meldeplikt ved nedlegging av næringsverksemd - Behandlingsmåte og prosedyrar i fylkeskommunen
51/08 Støttesenter mot Incest og seksuelle overgrep i Hordaland - spørsmål om fylkeskommunal representasjon i styret
52/08 Fylkesplan for Hordaland - Lengjing av gjeldande plan 2005-2008
53/08 Fylkesdelplan for fysisk aktivitet, idrett og friluftsliv 2008-2012¿ Aktiv kvar dag
54/08 Klimaplan - strakstiltak i fylkeskommunen
55/08 Godtgjersle til folkevalde - justering av satsane
56/08 Søknad om fritak frå verv i fylkestinget og opplærings- og helseutvalet. Suppleringsval
57/08 Skatteutval i Skatt vest - oppnemning av medlemer/varamedlem/leiar
58/08 Høyringsuttale - forslag til klassifisering av øvrige riksvegar ved gjennomføringa av forvaltningsreforma
Temaøkt om klimaplanen
Onsdag er det sett av 2 timar til ei temaøkt om klimaplanen. Klimaplanen er ei politisk bestilling. Det er ikkje oppnemnt politisk saksordførar for klimaplanen. Det er behov for å engasjere politikarane i ei open drøfting tidleg i planprosessen. Det vil gi viktige signal inn i planarbeidet, som for alvor startar no.
1. PLENUM
1.1. Jan Per Styve, strategi- og næringsdirektør: Kort innleiing om arbeidet med klimaplanen til no.
1.2. Guttorm Grundt, miljøvernleder Oslo kommune:
Korleis jobbar Oslo kommune for å oppnå mål om reduksjon i klimagassutslepp – og kva kan Hordaland lære av dette
• Nødvendige føresetnader for å oppnå resultat
• Om behov for heilskapleg grep.
• Kva er vellykka
• Døme på gode tiltak i ein stor organisasjon med eit stort nedslagsfelt
Tidsramme for innlegget: 20 min.
1.3. Arne Åsan, overtannlege Sentrum tannhelsedistrikt:
Tannklinikkar som miljøfyrtårn – ei kjelde til reduserte klimagassutslepp i Hordaland?
Tidsramme for innlegget: 10 min.
2. IDEDUGNAD I DEI POLITISKE UTVALA
Opplærings- og helseutvalet, Kultur- og ressursutvalet, Samferdselsutvalet, Kontrollutvalet, Fylkesutvalet
Spørsmål til drøfting:
• Kva bør vere visjonen for klimaplan for Hordaland?
• Kva tema/område bør planen særskilt omhandle?
• Kva konkrete tiltak bør klimaplanen innehalde?
Tidsramme for drøftinga: 45 min.
3. RAPPORTERING I PLENUM
Kvar utvalsleiar får 5 min. til å presentere hovudpunkt frå diskusjonen - 25 min.
Plenumsdiskusjon ca 15 min.
Tidsramme for oppsummeringa: 40 min.