Tysdag 3. juni har Eksamenskontoret i Hordaland fylkeskommune rekordmange kandidatar oppe til eksamen på ein og same dag. – 1400 skal opp i skriftleg eksamen, vi bruker mange lokale og problemet vårt no er å få nok vakter. Vi treng om lag 170 eksamensvakt
Eksamenskontoret skal gjennomføre rundt 9000 eksamenar for omlag 4200 kandidatar våren 2008. Tysdag 3. juni er eksamen for teori til fag- og sveineprøva. Då har Eksamenskontoret 1400 kandidatar i 82 forskjellige fag. I helsearbeidarfaget skal 210 kandidatar ha eksamen, i barne- og ungdomsarbeidarfaget 103 kandidatar, 63 kandidatar i reinhaldarbeidarfaget, 53 kandidatar innan brønnteknikk, 48 i transportfaget og 132 elektrikarar.
Smed eller børsemakar?
Hordaland er det einaste fylket som har oppmelde kandidatar i smedfaget, glashandverkarfaget og børsemakarfaget. To kandidatar vil bli protesemakar og ein kandidat i Hordaland vil bli taksidermist.
I tillegg til Bergen blir det eksamen på Stord, Voss, Kvinnherad, Norheimsund, Odda, Sotra og Austevoll. I Bergen har vi forutan fleire vidaregåande skular eksamen i Kristent fellesskap i Møllendalsbakken, Kristkirken på Minde, Bergenshallen på Slettebakken og Gimle i Kong Oscarsgate.
- Det er stort behov for eksamensvakter denne dagen, og vi reknar med at vi treng 170 personar. Eksamensvaktene får betalt 145 kroner per time, reklamerer seniorrådgjevar Henning Galtung.
Kontaktperson:
Henning Galtung – seniorrådgjevar Eksamenskontoret Dir.tlf.: 55239225 Mobil: 92478691
E-post: henning.galtung@post.hfk.no