Kultur- og ressursutvalet løyvde i sitt siste møte denne valbolken samrøystes 100 000 kroner til Stiftelsen Harmonien som tilskot til Bergen Filharmoniske Orkester sine turnear til Concertgebouw, Royal Albert Hall og USA med Carnegie Hall i 2007.
Stiftelsen Harmonien søkte om 500 000 kroner i støtte til turné for Bergen Filharmoniske Orkester til Concertgebouw, Royal Albert Hall og USA med Carnegie Hall i 2007. Det dreiar seg om to store utanlandsturnear til tre av verdas fremste konserthus; det største løft orkesteret har teke på seg. Orkesteret vil bli dirigert av sjefsdirigent Andrew Litton.
Turneen har ein samla kostnad på vel 14,4 millionar kroner. Utviklinga på turnefronten er slik at orkesteret sjølve lyt stå for ein større del av finansieringa og må satsa på ekstern finansiering. Eksterne tilskot på 6 millionar kroner sikrar grunnfinansieringa av turneen. For fullfinansiering søkte Filharmonien om støtte frå Hordaland fylkeskommune, sponsorar, DU, fonds og Bergen kommune.