Kultur- og ressursutvalet har sansen for The Celtic Food & Drink Festival i Hordaland fylkeskommune sin samarbeidsregion Cardiff i Wales. Dei løyvde samrøystes inntil 45.000 kroner som er ein tredel av kostnadane for dei fem representantane frå Hordaland.
Fylkeslandbrukskontoret i Hordaland ynskjer å sende to matprodusentar, ein representant frå reiselivsnæringa og to faglærarar frå Fitjar vidaregåande skule til festivalen som går av stabelen den 13.-15. juli i år.
Responsen på Hordaland sin stand på fjorårets festival var svært god, der ein tilmed fekk marknadsført seg i BBC radio og på fjernsyn. Deltakinga på festivalen er eitt av fleire konkrete tiltak som ligg inne i samarbeidsavtalen mellom regionane Cardiff og Hordaland.