Kultur- og ressursutvalet vedtok samrøystes handlingsprogrammet for Lokal Agenda 21 for 2007 med ei budsjettramme på 682.000 kroner.
Største potten går til lokale LA21-prosjekt med 450.000 kroner. Den årlege miljøprisen på 35.000 kroner har eit budsjett på 55.000 kroner, og frå kultur- og ressursutvalet vert oppnemnt Bjørn Aakvaag, Inger Sjong og Anbjørg Hjellestad til arbeidsutval for miljøpris.
Vidare går 30.000 kroner til Miljøfyrtårn, Nettverk for miljøinnkjøp får 15.000, deltaking i regionale fora med fokus på ulike miljøutfordringar får 20.000, økologisk status i sjø og vassdrag med 80.000 og 32.000 kr til nye prosjekt med relasjon til miljømål og miljøstrategiar i fylkesplanen.
Kultur- og ressursutvalet ber fylkesrådmannen utgreie høve for å innføre ”rettferdig handel” (fairtrade) som prinsipp for fylkeskommunen sine innkjøp.
Simon Sortland 08.03.2007 15:30