- Fylkeskommunen er svært glade for at miljøvernminister Helen Bjørnøy endeleg har godkjent reguleringsplanen for Jondalstunnelen. Men me kunne klart oss utan denne ekstrarunden som har kosta oss både tid og pengar, seier fylkesordførar Torill Selsvold Ny
- Jondalstunnelen vil gje Jondal kommune mykje kortare vegsamband mot Odda og Kvinnherad, og vil ha stor betydning for heile området og kommunikasjonen mot Bergen og gjennomgangstrafikken aust-vest, understrekar fylkesordførararen.
Som kjent vart reguleringsplanen for Jondalstunnelen i Kvinnherad påklaga av mellom andre Naturvernforbundet Hordaland. Det gjaldt særleg i bygda Nordrepollen, der klagarane meinte planen på fleire punkt var i strid med norsk miljøpolitikk. Reguleringsplanen vart så oversendt Bjørnøy før jul i fjor.
Etter miljøvernministeren si godkjenning tyder det meste på at stortingsproposisjonen om Jondalstunnelen kan leggjast fram for Stortinget i haust. Statens vegvesen har fått godkjend frå Samferdselsdepartementet å setja ut på anbod fire ulike variantar for Jondalstunnelen.
- Tunnelen vert mellom 8 og 9 kilometer lang, og vil kosta oss kring 550-600 millionar kroner. Det er å vona at eit av dei fire anboda kan koma fram til eit anna og billegare alternativ enn det Fylkestinget vedtok, avrundar fylkesordførar Torill Selsvold Nyborg.