Frå 3. oktober får Bybanen i Bergen avgangar kvart 5. minutt i rusjtida. Talet på avgangar aukar då frå 10 til 12 i timen i begge retningar, ein kapasitetsauke på 20 %.
– Det er svært gledeleg at talet på reisande med Bybanen er så høgt at det er behov for å auka kapasiteten, seier fylkesordførar Torill Selsvold Nyborg.
– Det er dei nye vognsetta som vi får levert i haust, det første kjem 19. september, som gjer det mogleg for oss å auka kapasiteten med 800 plassar i timen frå 3. oktober.
Vi får i alt 24 avgangar i timen, 12 i kvar retning, i rusjtida og kan då frakta 4800 passasjerar kvar time.
Omleggingar
3. oktober vert det også nytt ruteopplegg for bussane i Bergen sentrum og Bergen nord, då bussanboda i desse områda vert sette i verk. Hordaland fylkeskommune ved Skyss legg opp til grundig informasjon om omleggingane og det nye rutetilbodet.
Rutetider for Bybanen