For perioden 2012-15 vert det føreslått investeringar for om lag 7,8 milliardar kroner. Ca. 5,4 mrd. kr skal brukast innan samferdsel og vel 2 mrd. kr til vidaregåande skular.
For første gong sidan fylkeskommunen dreiv sjukehusa (2001) passerer driftsbudsjettet 6 milliardar kroner. Investeringsbudsjettet for 2012 er rekordhøgt.
Moment i 2012-opplegget:
• Bruk Skysskortet – reis billegare
Frå 1. januar 2012 går prisen opp på enkeltbillettar kjøpt kontant for reiser med buss og bybane, medan det vert takstfrys for alle som brukar Skysskortet
Minstetaksten aukar frå 25 kr til 27 kr, men reis med Skysskort og du betalar kr 20,80 som no
• Full drift ved Nordahl Grieg videregående skole med elevar på alle klassesteg frå hausten 2012 (900 elevar)
• Det nye Tannhelsetenestas kompetansesenter Vest opnar hausten 2012
• Når anbodspakka for Sotra og Askøy vert sett i drift frå medio 2012 vil heile bussruteproduksjonen i fylket vera anbodsutsett.
• «Museumspakke» på 2 mill. kr til oppfølging av museumsplanen
• Sluttløyving til Jondalstunnelen som opnar hausten 2012
• Arbeidet med tunnel bak Tysse i Samnanger startar
• Auka løyvingar til energiøkonomisering/klimaplan og til universell utforming
Stor gjeldsauke
Som følgje av store investeringar, særleg innan samferdsel og skule, vil fylkeskommunen si gjeld auka sterkt dei komande åra. Renter og avdrag på lån vil ta ein aukande del av driftsmidlane.
Lånegjelda aukar frå 5 496 mill. kr pr. 1.1.2012 til 8 461 mill. kr ved utgangen av 2015 – ein auke på nær 54 % på fire år. Summen av brutto renteutgifter og avdrag vil auka frå 444,1 mill. kr i 2012 til 662 mill. kr i 2015.
Driftsutgiftene må ned
Dei store investeringane med tilsvarande stor auke i lånegjelda gjer at meir enn venta inntektsvekst frå 2012 og i åra framover vil gå til å dekka auken i renter og avdrag. Driftsutgiftene må reduserast dei komande åra.
Samandrag av budsjett og økonomiplan (pdf-fil)
Budsjettdokumenta