Den 1210 meter lange Børvenestunnelen gjev betre kommunikasjonar i Hardanger. Etter kvart kjem resten av Kvammapakken, Jondalstunnelen og Hardangerbrua. (foto: Bjarte Brask Eriksen)
To tema
Hardangerkonferansen 2011 går av stabelen i Kabuso i Øystese og har to tema: Framtidige kommunikasjonar i Hardanger og korleis kommunikasjon gjev vekst.
På 66. plass
Utfordringa til Hardanger er at regionen ligg på 66. plass av 83 næringsregionar i landet (Nærings-NM til NHO i 2010). Men eit attraktivitetsbarometer laga av Telemarkforsking viser at Hardanger utviklar seg til å bli ein attraktiv bustadregion. No er pendlartilhøve og kommunikasjonar avgjerande.
Nye vegparsellar
Over dei næraste åra vil Hardanger få nye vegparsellar, rassikringar, Jondalstunnel og Hardangerbru. Prosjektet Flytt til Hardanger genererer optimisme og tilflytting. Hardangerkonferansen 2011 set søkjelyset på kva konsekvensar nye kommunikasjonar vil ha for utvikling av næringsliv, reiseliv, busetnad, samarbeid, samanslåing i Hardanger.
Innleiarar
Det kjem mange innleiarar med interessante tankar: Politisk rådgjevar i Samferdselsdepartementet Sigrid Brattabø Handegard, fylkesordførar Tom-Christer Nilsen, administrerande direktør i Skyss Oddmund Sylta og stortingsrepresentant Øyvind Halleraker som skal fortelje om korleis Trekantsambandet har gjeve vekst i Sunnhordland.
Program for konferansen (pdf)
Meir informasjon: www.hardangerraadet.no
Påmelding på e-post til post@hardangerraadet.no