Hordaland fylkeskommune sitt driftsbudsjett vert i 2012 på 6 192 mill. kr etter fylkestinget
sitt budsjettvedtak. For første gong sidan 2001, som var siste året fylkeskommunen dreiv
sjukehusa, passer driftsbudsjettet 6 milliardar kroner.
Til drift av dei fylkeskommunale tenesteområda er det budsjettert med i alt 6 192 mill. kr og til renter og avdrag på lån 434,2 mill. kr Samla utgifter er dermed 6 626 mill. kr. Investeringsbudsjettet for 2012 er på 2 545,8 mill. kr. Det samla bruttobudsjettet for Hordaland fylkeskommune i 2012 vert dermed på i alt 9 172 mill. kr.
Fordeling
Driftsbudsjettet fordeler seg slik: Opplæring 2 627 mill. kr, samferdsel 2 337 mill. kr, tannhelse 245,5 mill. kr, kultur 265 mill. kr, regional utvikling 253 mill. kr, politiske organ og administrasjon 275,1 mill. kr, og fellesfunksjonar 150,4 mill. kr.
Inntekter
Skatteinntekter og rammetilskot er på 5 072,5 mill. kr, inntekter på dei ulike tenesteområda utgjer 1 663 mill. kr, renteinntekter og utbyte 41,3 mill. kr.
Av driftsinntektene i 2012 skal 155 mill. kr nyttast til finansiering av investeringar.
Sjå også: Fylkesbudsjett 2012 - meir til samferdsel, opplæring og kultur