15 mill. kr av dei statlege belønningsmidlane til kollektivtrafikken skal nyttast som startløyving til prosjektering og grunnkjøp for bybane Lagunen-Flesland i 2011, har Hordaland fylkesutval vedteke.
Hordaland fylkeskommune får i år 55 mill. kr av dei statlege belønningsmidlane for betre kollektivtrafikk og mindre bilbruk i byområda. Dette er 30 mill. kr meir enn fylkeskommunen hadde budsjettert med. Fylkesutvalet har vedteke bruken av desse midlane.
Bybane og Bergensprogrammet
Halvparten – 15 mill. kr – går til byggjesteg 3 av Bybanen. Dei resterande 15 mill. kr går til å styrkja eksisterande og prioriterte tiltak i Bergensprogrammet.
Tiltaka i Bergensprogrammet som får midlar: Sykkelparkering og andre terminaltiltak 5 mill. kr, oppgradering av haldeplassar og trafikkinformasjon på dei fire stamlinene i Bergen 4 mill. kr, tiltak for betre framkomst for kollektivtrafikken 2 mill. kr og innfartsparkering (i og utanfor Bergen kommunen) 4 mill. kr.
Sykkel- og terminaltiltak
Aktuelle sykkel- og terminaltiltak som kan gjennomførast innan kort tid og som manglar finansiering per i dag er: sykkelparkering på terminalane i Åsane og Loddefjord, oppstart prosjektering av Storavatnet terminal, pluss mindre tiltak på Loddefjord terminal.
Pressemelding om vedtak og innstillingar i fylkesutvalet 29. sept. 2010 (pdf-fil)