Fylkesvaraordførar Tom-Christer Nilsen overrekker diplomet til ordførar Astrid Aarhus Byrknes i Lindås. (alle foto: Bjarte Brask Eriksen)
Prisen vert delt ut til ein kommune som i særleg grad har markert seg med ein allsidig innsats for kulturlivet.
I grunngjevinga for å utropa Lindås til årets kulturkommune i Hordaland heiter det mellom anna at kommunen viser at dei har klart å utnytta eit stort samarbeidspotensial både innan organisasjonen og i høve til frivillige lag- og organisasjonsliv, profesjonelle kulturutøvarar og arbeidet vidare med kultur/næring.
.
Lindås er årets kulturkommune i Hordaland: Ordførar Astrid Aarhus Byrknes (f.v.), May Eva Sandvik, leiar av levekårsutvalet i Lindås, Eileen Feste ved kulturkontoret i Lindås, Rune Rydland, leiar av Norsk Kulturforum i Hordaland og kultursjef i Lindås, Øyvind Stang.
Det er stor og variert kulturaktivitet i kommunen, slik at tilboda er mange og varierte. Kommunen har markert seg langt utover kommunegrensene mellom anna innafor korpsrørsla.
Årets kulturkommune er i stadig vekst. Kommunen er allereie, gjennom organisering og planarbeid på kulturfeltet, førebudd på å ta nye utfordringar han får med stadig auka folketal.
Årets kulturkommune har ein god struktur og eit godt planverktøy. Kommunen har nyleg laga ein godt gjennomarbeidd kulturplan. Mange har blitt invitert til å meina noko om innhaldet i planprosessen. Den gjeldande kulturvernplanen er for tida under revidering og har skifta namn til Kulturminneplan. Planen skal leggjast fram for politisk handsaming i slutten av 2011.
Årets kulturkommune har vist vilje til, gjennom systematisk tilnærming, å byggja opp infrastruktur både i form av auka budsjett og auka stillingar. Dette gjev gode ringvirkningar i det frivillige arbeidet og ikkje minst arbeidet som kjem barn og unge til gode.
Norsk kulturforum i Hordaland har tidlegare tildelt prisen til: Kvinnherad, Sveio, Bømlo, Fusa, Bergen, Odda, Radøy, Kvam og Askøy.
Fylkesvaraordførar Tom-Christer Nilsen overrekker blomster til kultursjefen i Lindås, Øyvind Stang. I bakgrunnen ordførar Astrid Aarhus Byrknes og leiar av levekårsutvalet, May Eva Sandvik.