Tidleg på nyåret vil Hordaland fylkeskommune starte planlegging av innhaldet i Den kulturelle skolesekken for skuleåret 2011-2012. Siste frist for framlegg til produksjonar er 15. desember.
Hovudmåla med Den kulturelle skolesekken i Hordaland er
- å medverke til at elevar i skulen får eit profesjonelt kunst- og kulturtilbod
- å leggje til rette for at elevar i skulen skal få tilgang til, gjere seg kjende med og få eit positivt forhold til kunst- og kulturuttrykk av alle slag
- å medverke til å utvikle ei heilskapleg innlemming av kunstnarlege og kulturelle uttrykk i realiseringa av skulen sine læringsmål; å gje born oppleving av kunst og styrkje deira eiga skaparevne
- å styrkje born si evne til å stille spørsmål, og stimulere til kritisk vurdering
I programmet skal inngå kunst- og kulturtilbod innan felta film, kulturarv, litteratur, musikk, scenekunst, visuell kunst og sjangeroverskridande tilbod (kunstartar i samspel).
Framlegg til produksjonar må sendast inn seinast 15. desember 2010.
Eige skjema finn de på nettportalen http://www.dks-hordaland.no