Mette Holmefjord Olsen, medlem i Hordaland fylkesting for SV, er av Miljøverndepartementet oppnemnt som medlem i styret for Hallingskarvet nasjonalpark og Finse biotopvernområde.
Opprettinga av nasjonalparkstyret er eit ledd i innføringa av den nye forvaltingsmodellen for verneområde. Kommunar og fylkeskommunar får gjennom deltaking i nasjonalparkstyret ansvaret for å forvalta store nasjonale verdiar.
Mette Holmefjord Olsen er Hordaland fylkeskommune sin representant i styret for Hallingskarvet nasjonalpark og Finse biotopvernområde.
Nasjonalparkstyret
Nasjonalparkstyret for Hallingskarvet nasjonalpark og Finse biotopvernområde er samansett av; Olav Ellingsen frå Aurland kommune, Erik Kaupang frå Hol kommune, Mona Hellesnes frå Ulvik herad, Kjell Ålien frå Buskerud fylkeskommune, Mette Holmefjord Olsen frå Hordaland fylkeskommune og Gunnvor A. Sunde frå Sogn og Fjordane fylkeskommune.
Nasjonalparkstyret skal ta avgjerder og gjennomføra tiltak innanfor ramma av verneforskriftene slik at naturverdiane i nasjonalparken og biotopvernvernområdet vert sikra for komande generasjonar.
Pressemelding frå Miljøverndepartementet