Anna Elisa Tryti tok i dag, 8. mars 2010, til i stillinga som fylkeskultursjef i Hordaland. Eg går til jobben med stor forventing, sa ho, då ho vart ynskt velkomen av fylkesrådmannen.
På ei samling for heile kultur- og idrettsavdelinga ynskte fylkesrådmannen Tryti velkomen som leiar for eit viktig og omfattande arbeidsområde for fylkeskommunen.
Fylkesrådmann Paul M. Nilsen (t.v.) ynskte Anna Elisa Tryti velkomen som fylkeskultursjef i Hordaland. Fylkesrådmannen takka Ronny B. Skaar for flott innsats i det vel halvtanna året han har vore konstituert i stillinga som fylkeskultursjef.
Større foto
Den påtroppande fylkeskultursjefen sa at ho går til jobben med stor forventing. Vi skal i fellesskap arbeida aktivt for kultursektoren i Hordaland og på Vestlandet, var den klare meldinga hennar til medarbeidarane som var samla i møterom «Vestland» i fylkeshuset i Bergen.
Samarbeid
Fylkeskultursjef Tryti sa at ho vil leggja vekt på samarbeid. Det gjeld både på tvers av seksjonar i avdelinga, med avdelingane i fylkesadministrasjonen, med kommunane i fylket, med kulturinstitusjonar og organisasjonar. Like eins vil ho leggja vekt på kontakt og samarbeid med nabofylka.
Takk til Skaar
Fylkesrådmann Paul M. Nilsen retta ei takk til Ronny B. Skaar som har vore konstituert fylkeskultursjef i vel halvtanna år. Du har gjort ein flott innsats og sytt for at det har vore utvikling og stort engasjement innan kulturfeltet vårt i den perioden du har leia avdelinga, sa fylkesrådmannen.
Skaar som var nestleiar ved kultur- og idrettsavdelinga før han vart kst. fylkeskultursjef, held no fram som stabsleiar og stedfortredar for fylkeskultursjefen.
Oppslag 23.12.09 om den nye kultursjefen