– Vi kan no gå vidare med desse viktige utbyggingane og vera trygge på at vi vil få rasjonell drift utan unødig opphald. Svært gledeleg, seier fylkesordføraren. – For eg reknar med at Stortinget vil følgja opp innstillinga frå regjeringa, når dei skal behandla saka i løpet av vårsesjonen.
Bompengesøknaden for vidareføring av Bergensprogrammet omfattar finansiering av byggjesteg 2 av Bybanen og Ringveg vest, midlar til ei rekkje andre prosjekt (sekkepostar) og Skansentunnelen.
Fylkeskommunen
Kostnaden med dei planlagde investeringane er vel 6,2 milliardar kroner (2009-kr). Av denne summen skal 3,2 milliardar kroner dekkast av Hordaland fylkeskommune og vel 3,0 milliardar kroner med bompengar. Fylkeskommunen skal i perioden 2010-25 løyva 200 mill. kr årleg.
Byggjesteg 2 Bybanen
Til sommaren 2010 vert anleggsarbeida på første etappe av bybanen i Bergen ferdigstilt (Sentrum-Nesttun). Andre etappe frå Nesttun til Rådal, omfattar 3,6 km dobbeltspora bane, skal etter planen stå ferdig i 2012.
Med klarsignal til byggjesteg 2 av Bybanen, vil organisasjonen for bybaneutbygginga kunna oppretthaldast, og vi får nytta oss av deira opparbeidde kompetanse i den vidare utbygginga, trekkjer fylkesordføraren fram.
Ringveg vest
Første etappe av Ringveg vest skal opnast i sommar. Andre etappe frå Sandeide til Liavatnet, omfattar 4 km firefelts veg, hovudsakeleg i tunnel. I tillegg skal det byggjast eit større vegkryss ved Liavatnet.
Kontaktperson:
Fylkesordførar Torill Selsvold Nyborg – mob. 915 22 733
Pressemelding frå Samferdselsdepartementet