Dette var mellom tildelingane Hordaland fylkesting gjorde ved fordeling av sekkepostane på fylkesvegbudsjettet for perioden 2010-13 i møte 9. mars 2010.
For perioden 2010-13 har fylkestinget vedteke slik fordeling av 253 mill. kr til byggjeprogram på fylkesvegnettet utanom Bergen: Kollektivtiltak 37,1 mill. kr, trafikksikring 75,5 mill. kr, gang- og sykkelvegar 45 mill. kr, miljøtiltak 26,3 mill. kr og 69,2 mill. kr til mindre utbetring og «til rådvelde-post.»
For 2010 har fylkestinget fordelt midlane på tiltak, og også for resten av perioden er storparten av midlane alt fordelt på tiltak og prosjekt. Men ein del midlar for åra 2011-13 står att til seinare fordeling.
Kollektivmidlar
Av kollektivmidlane på 7,1 mill. kr i 2010 er 1,5 mill. kr sett av til fullfinansiering av oppgradering av Skysstasjonen i Knarvik. 925 000 kr er sett av til oppgradering og universell utforming av haldeplassar frå Tøsdalsskiftet til Osøyro. Det er også søkt statsmidlar til opprustinga på denne strekninga.
Resten av midlane til kollektivtiltak i 2010 skal nyttast til oppgradering av ei rekkje haldeplassar. Fylkestinget legg til grunn at Samferdselsavdelinga, Skyss og Statens vegvesen vert samde om kva haldeplassar som skal prioriterast.
Trafikksikring
15,5 mill. kr til trafikksikringstiltak i 2010 vert fordelt på ei lang rekkje tiltak. Største einskildløyving i år er 2,5 mill. kr til Fv 49 Bakka-Kvam. Til lys i tunnelar på Fv 121 Baldersheim i Fusa er løyvd 1,5 mill. kr. 1,5 mill. kr er også løyvd til fotgjengarsikring på Fv 561 Morland i Fjell.
Til trafikksikringstiltak er det til kvar av desse vegane sett av 1 mill. kr i 2010: Fv 561 Fjell/Øygarden, Fv 565 Lindås/Radøy, Fv 564 Meland og Fv 34 Katinkasvingen i Etne.
Til Fv 561 Rong sentrum i Øygarden er sett av 800 000 kr og til Fv 567 Valestrand sentrum i Osterøy 400 000 kr.
Til fem prosjekt i Kvinnherad er sett av 770 000 kr, til to prosjekt i Ullensvang 600 000 kr, til Fv 48 Ytre Tysse i Samnanger 300 000 kr og Fv 130 Øystese-Mo 350 000 kr.
Ufordelt til ei rekkje trafikksikringstiltak i Sunnhordland er sett av 2,28 mill. kr.
Av 20 mill. kr til trafikksikring i 2011 har fylkestinget fordelt 5 mill. kr til Fv 544 Vabakken-Leirvik i Stord, 4 mill. kr til Fv 562 Askøy og 2 mill. kr til Fv 563 på Askøy.
Gang- og sykkelvegar
Midlane til gang- og sykkelvegar er for 2010 er fordelte slik: Fv 555 Kleppe-Børnes (Sund) 1 mill. kr, Fv 48 Hatlestrand (Kvinnherad) 800 000 kr, Fv 559 Fjell-Ulveset (Fjell) 3,0 mill.kr, Fv 544 Heiane-Skjersholmane (Stord) 500 000 kr, Fv 78 Onarheim (Tysnes) 2,2 mill. kr, Fv 14 Staveland (Bømlo) 1,2 mill. kr og 300 000 kr som reservepost.
For åra 2011-13 har fylkestinget fordelt 15 mill. kr til Fv 57 Konglevoll (Lindås), fordelt med 4 mill. kr i 2011, 9 mill. kr i 2012 og 2 mill. kr i 2013.
Til Fv 49 Uggdal-Uggdalseidet (Tysnes) er det ført opp 6 mill. kr i 2013 og behov for 12 mill. kr etter 2013.
For 2011 vert det løyvd 3 mill. kr til Fv 552 Osbrua (Os), 2 mill. kr til Fv 562 Fauskanger (Askøy) og 2,5 mill. kr til Fv 125 Holmefjord-Holsund (Fusa).
Miljø- og servicetiltak
Til restkostnad med opprusting av Fv 550 Oppheimsgata i Odda er det løyvd 4,6 mill. kr i 2010. Til opprusting av Fv 559 Jondal sentrum er det løyvd 3,5 mill. kr i 2011.
Mindre utbetringar
Til mindre utbetringar er det løyvd 28,6 mill. kr for 2010.
Største løyving dette året er 7,0 mill. kr til opprusting av Fv 83 Reksteren (Tysnes). Saman med 2,7 mill. kr løyvd i 2009 og 3,0 mill. kr som vert løyvd for 2011,
Til Fv 49 Våge ferjekai (Tysnes) er løyvd i alt 8 mill. kr fordelt med 6 mill. kr i 2010 og 2 mill. kr i 2011.
3 mill. kr er løyvd til opprusting av Fv 381 Stordalen i Masfjorden og 2,2 mill. kr til Fv 572 Holven-Ulvik. Til Fv 545 Fitjar sentrum-Stord grense er løyvd 2,0 mill. kr. Til Fv122 Venjaneset-Strandvik i Fusa er løyvd 1,5 mill. kr i 2010 og sett av 2 mill. kr i 2013. Dette prosjektet har behov for ytterlegare 13 mill. kr etter 2013.
Til Fv 311 Bordalsvegen i Voss kommune er det løyvd 7,75 mill. kr fordelt med 0,5 mill. kr i 2010 og 7,25 mill. kr i 2011.
I Osterøy kommune står to prosjekt på lista i 2011-13. I 2011 er det sett av 2 mill. kr til Fv567 Bysheimsvingane og til Fv 567 Hosanger sentrum 15 mill. kr fordelt med 10 mill. kr i 2012 og 5 mill. kr i 2013.
Til Fv 546 Hufthamar ferjekai (Austevoll) er det løyvd 2 mill. kr i 2011.
Pressemelding om vedtak i fylkestinget 9. mars 2010 (pdf-fil)