- Det er viktig at planen har sterk politisk forankring, seier araelplanleggjar Aslaug Aalen i Lindås kommune.
Etter fylkesordførar Torill Selsvold Nyborg offisielt opna den årlege næringskonferansen, fekk ho utdelt det synlege provet på at Næringskonferansen er miljøsertifisert.
– Det er eit godt utgangspunkt å halda konferansen i eit miljøfyrtårnsertifisert hotell, men det vert også stilt andre miljøkrav til sjølve konferansen. Det sa Elisabeth Næverlid Johnsen, politisk rådgjevar for byråd Lisbeth Iversen, før ho overrekte sjølve beviset på at Næringskonferansen er eit miljøfyrtårn.
Fylkesordførar Torill Selsvold Nyborg får overrekt beviset på at Næringskonferansen er miljøfyrtårnsertifisert av Elisabeth Næverlid Johnsen, politisk rådgjevar til klimabyråden i Bergen kommune.
Planlegging for næringsutvikling
I fjor tok Næringskonferansen opp dei såkalla førstelinetenestene med særleg vekt på entreprenørskap og etablerarar. I år var det næringshagar og inkubatorar som stod sentralt.
Etter regionaldirektør Jan-Per Styve trakk opp dei store linene og dei vanskelege, eller gode, spørsmåla overtok plansjef Marit Rødseth. Ho kunne fortelje om eit hektisk år etter innføringa av ny plan- og bygningslov.
- Den nye planlova skal fremje berekraftig utvikling økonomisk, miljømessig og sosialt. Langsiktig næringsutvikling er difor ei prioritert planoppgåve for å styrka den samfunnsmessige verdiskapinga og næringsutviklinga, understreka Rødseth.
- Den nye planlova skal fremje berekraftig utvikling økonomisk, miljømessig og sosialt, seier plansjef Marit Rødseth i Hordaland fylkeskommune.
Fylkeskommunen har tre hovudoppgåver innan planlegging. Det er regional planlegging, rettleiing av kommunar og ivareta regionale interesser i kommuneplanar. Kommuneplanen er ein felles plan for kommunen, statlege organ og fylkeskommunen. I tillegg er det no komen ein ny del – områdeplan som skal gjelde for større område.
Under press
- Dette betyr at det må inngåast kompromiss. Det er ikkje alltid like enkelt å få til, men kommunane har vore kjempeflinke med kystsoneplanar. I Hordaland er samferdsel akilleshælen for utviklinga av næringslivet. Deira ynskjeliste til planprosessane er rask, kompetent og lik handsaming samt forutsigbare planar. Med den høge aktiviteten og veksten blir plansystemet satt under press i Hordaland, sa Rødseth.
Plansjefen si oppmoding til næringslivet er at dei tidlegast mogleg koplar sine planar til det offentlege plansystemet. Ho inviterte til eit godt samspel i planprosessen for å få gode og fleksible planar som vert fylgt.
- Det er viktig både med eit kortsiktig og langsiktig perspektiv på næringslivet sine behov for areal, påpeika adm. dir Asbjørn Algrøy i Business Region Bergen.
Konferansedeltakarane fekk deretter ei kort og praktisk gjennomgang av Lindås kommune sitt arbeid med arealplanlegging på Mongstad av kommuneplanleggar Aslaug Aalen. Adm. dir. Asbjørn Algrøy i Business Region Bergen tok for seg næringslivet sitt arealbehov dei neste 20 åra. Direktør for innovasjon i SIVA, Jon Johansen, orienterte om verkemiddelapparat og fylkeskommunen sin viktige rolle her.
Etter lunsj var temaene mellom anna inkubasjon, regional forskingsinnsats og RUP 2010.
Tre samspelte kameratar sette tonen for næringskonferansen 2010. Frå venstre Gjermund Fredheim, Harald Kvassnes og Øyvind Hegg Lunde.
Sjå program og føredraga her.