Fylkeskommunen vil i løpet av tysdag 1. juni avgjera om det er skular som må stengjast på grunn av den utvida streiken frå arbeidsdagen startar onsdag 2. juni.
Streikevakter utanfor fylkeskommunen sine lokale i Agnes Mowinckels gate.
Over 1 500 i streik
Ved utvidinga av streiken vil den omfatta vel 1500 tilsette i fylkeskommunen. Om lag 965 lærarar ved vidaregåande skular i Bergen vil vera i streik frå onsdag. Ved vidaregåande skular i heile fylket er om lag 430 personar i andre stillingar tekne ut i streik. Det er i hovudsak reinhalds-, kontor- og driftspersonell. I fylkesadministrasjonen vil om lag 130 personar vera i streik ved opptrappinga.
Vidaregåande skular i Bergen
UNIO (samanslutning der Utdanningsforbundet er den største organisasjonen) har varsla at ca. 555 lærarar ved desse vidaregåande skulane i Bergen legg ned arbeidet frå onsdag 2. juni:
Bergen handelsgymnasium (24)
Bergen katedralskole (51)
Bergen maritime videregående skole (20)
Bergen tekniske fagskole (15)
Bjørgvin videregående skole ( 63)
Fyllingsdalen vidergående skole (48)
Laksevåg videregående skole (64)
Langhaugen videregående skole (45)
Lønborg videregående skole (27)
Sandsli videregående skole (53)
Tanks videregående skole (29)
Ulriken skolesenter (29)
Årstad videregående skole (86)
I streiken som har vore gang sidan 29. mai har UNIO teke ut lærarar ved desse skulane:
Fana gymnas (ca. 45)
Slåtthaug videregående skole (ca. 50)
Stend vidaregåande skule (ca. 30)
Åsane videregående skole (ca. 70)
U. Pihl videregående skole (ca. 30)
Terntnes videregående skole (ca. 45)
Garnes vidaregåande skule (ca. 35)
Arna vidaregåande skule (ca. 25)
Skolenes Landsforbund (SL), ein del av LO-kommune, har varsla plassoppseiing for 64 personar frå 2. juni. Det omfattar både 60 lærarar ved åtte skular i Bergen og 4 tilsette i fylkesadministrasjonen.
UNIO har også varsla plassoppseiing for 28 medarbeidarar i fylkesadministrasjonen frå 2. juni.
Skular i heile fylket
Fagforbundet (LO-kommune) har varsla at om lag 300 fleire av deira medlemer vert tekne ut i streik frå onsdag 2. juni. Frå før er ca. 100 medlemer i dette forbundet i streik i Hordaland fylkeskommune.
Fagforbundet har varsla plassoppseiing av tilsette ved 45 vidaregåande skular i fylket. Det gjeld i hovudsak merkantilt personale, sekretærar og konsulentar i administrasjonen, IKT-konsulentar, reinhaldarar og driftspersonell. Driftspersonellet sorterer organisatorisk til Eigedomsseksjonen, men arbeider på skulane.