Tilbodet ved Lønborg videregående skole er i samarbeid med læreverksemder i Hordaland og Ministry of Health and Social Welfare, Zanzibar og vil i første omgang gjelda fram til opning av Amalie Skram vidaregående skole, med mål om ytterlegare vidareføring.
Både elevar i helsearbeidarfag og læringar i faget, vil ha høve til å søkja plass i den internasjonale klassen.
Heile Hordaland
Alle elevar i Hordaland som har fullført VG1-kurset i helsearbeidarfag kan søkja den internasjonale lina på VG2 helsearbeidarfag ved Lønborg videregående skole. I løpet av VG2 vil elevar få delar av opplæringa på eldreinstitusjon, i barneheim og på sjukehus på Zanzibar.
Åtte veker
Opphaldet på 8 veker vil dekka både programfag og fellesfag for elevane, samt oppfølging av kompetansemål for lærlingane.
Målet med å oppretta tilbodet er å auka kvalitet på helsetenestene i Noreg. Delmål: Auka rekruttering til helsefagarbeidarutdanninga, fleire og betre kvalifiserte og motiverte helsefagarbeidarar, betre samarbeid mellom skule og arbeidsliv, auka kulturforståing og solidaritet og auka kompetanse og bistandsengasjement blant helsefagarbeidarar.
Fondsmidlar
Den totale kostnadsramma for den årlege utplasseringsperioden vil vera 375 400 kr for seks elevar og seks lærarar. Kostnaden vert finansiert av fondsmidlar som Lønborg videregående skole disponerer
Pressemeldingar frå fylkesutvalet 20. mai 2010